پاکستان تے سعودی عرب صحت دے شعبہ اچ تعاون ودھاوݨ تے اتفاق کیتے ، وفاقی وزیر صحت عبدالقادر پٹیل

APP13-250523 GENEVA: May 25 - Federal Minister of Health Abdul Qadir Patel meeting with Saudia Health Minister. APP/MAF/TZD/ZID

اسلام آباد۔25مئی (اے پی پی):وفاقی وزیر صحت عبدالقادر پٹیل آکھیے پاکستان تے سعودی عرب صحت دے شعبہ اچ تعاون ودھاوݨ تے اتفاق کیتے۔ ݙوہیں ملکاں کووڈ۔ 19 اتے ٻہوں سارے وبائی امراض دی ویکسین اچ رل تے ریسرچ کریسن ۔وزارت صحت توں جاری بیان موجب اے ڳالھ انہاں سعودی وزیر صحت فہد بن عبدالرحمن الجلاجیل نال ڳالھ مہاڑ کریندے ہوئیں آکھی اے جنہاں جنیوا اچ انہاں دے نال ملاقات کیتی ۔ وزیر صحت عبدالقادر پٹیل دی گزریل اٹھ مہینے اچ سعودی ہم منصب نال اے ݙوجھی ملاقات ہئی ۔ ملاقات اچ پاکستان دے جنیوا اچ تعینات اقوام متحدہ دے نائب مندوب زمان مہدی وی موجود ہن ۔ملاقات اچ صحت دے شعبے اچ ݙو طرفہ تعاون تے تفصیلی ڳالھ مہاڑ تھئی ۔ پاکستان تے سعودی عرب دا صحت دے شعبہ اچ تعاون ودھاوݨ تے اتفاق کیتے۔ وفاقی وزیر آکھیے سعودی وزیر صحت دا پاکستان نال وبائی امراض اتے ہیلتھ سکیورٹی دے حوالے نال رل تے کم کرݨ تے اتفاق کیتا ڳئے ۔ بارڈر ہیلتھ سروسز پاکستان دا ادارہ موثر انداز اچ وباواں نال نبݨݨ کیتے پرعزم اے ۔

مضمون کا ماخذ : منی ٹرین 2

متعلقہ مضامین