امت مسلمہ دی اوکھ دا رل تے حل ڳولݨ دی لوڑھ اے ،چیئرمین سینیٹ دی رابطہ عالمی اسلامی دے سیکرٹری جنرل نال ٹیلی فون تے ڳالھ مہاڑ

اسلام آباد۔10اگست (اے پی پی):چیئرمین سینیٹ صادق سنجرانی آکھیے جو امت مسلمہ دی اوکھ دا حل رل تے ڳولݨ دی لوڑھ اے ، اساکوں اسلام تے مسلماناں دے خلاف کھنڈائے ونڄݨ آلے منفی تاثر کوں زائل کرݨ کیتے آپݨا موقف مربوط سفارتکاری دے ذریعے بھرپور انداز اچ پیش کرݨا چاہیدے۔ اے ڳالھ انہاں رابطہ عالمی اسلامی دے سیکرٹری جنرل ڈاکٹر محمد بن عبدالکریم العیسٰی دے نال ٹیلی فون تے کیتی اے ۔ سینیٹ سیکرٹریٹ موجب ݙوہیں رہنماواں مسلم اُمہ کوں پیش آندے مسئلیں ، خطے دی صورتحال، کشمیر و فلسطین اچ جاری ظلم، اسلاموفوبیا، دہشتگردی اتے انتہا پسندی سودھے اہم امور تے ڳالھ مہاڑ کیتی ۔ چیئرمین سینیٹ رابطہ عالمی اسلامی دے سیکرٹری جنرل دیاں کوششاں کوں لائق تحسین قرار ݙیندے ہوئیں آکھیے مسلم امہ کوں دور حاضر اچ جنہاں مشکلات دا سامݨا اے انہاں دا حل رل تے ڳولݨاں ہوسی تے مربوط سفارتکاری دے ذریعے عالمی سطح تےاپݨِا موقف بھر پور انداز اچ پیش کرݨا ہوسی تاں جو اسلام تے مسلماناں دے خلاف کھنڈائے ڳئے منفی تاثر کوں مکایا ونڄ سڳدے ۔ چیئرمین سینیٹ آکھیے پاکستان بین المذاہب ہم آہنگی، سانجھے احترام اتے خیر سگالی تے یقین رکھیندے ۔

مضمون کا ماخذ : مصری ڈریمز ڈیلکس

متعلقہ مضامین