پرڏيهي وزير سان ڊينمارڪ ۾ مقرر پاڪستان جي سفير جي ملاقات

APP09-041021 ISLAMABAD: October 04 - Ambassador of Pakistan to Denmark, Ahmed Farooq called on Foreign Minister Makhdoom Shah Mahmood Qureshi at Ministry of Foreign Affairs. APP

اسلام آباد – 04 – آڪٽوبر (اي پي پي) پرڏيهي وزير مخدوم شاهه محمود قريشي سان ڊينمارڪ ۾ مقرر پاڪستان جي سفير احمد فاروق پرڏيهي وزارت ۾ ملاقات ڪئي. ملاقات دوران پاڪستان ۽ ڊينمارڪ جي وچ ۾ لاڳاپن جي استحڪام ۽ ڊگهي مدي واري شعبن ۾ ٻطرفي تعاون جي فروغ جي حوالي سان خيالن جي ڏي وٺ ڪئي وئي. پرڏيهي وزير چيو ته پاڪستان ڊينمارڪ سان گڏ ٻطرفي لاڳاپن کي خصوصي اهميت ڏي ٿو. هن چيو ته ڊينمارڪ جي پرڏيهي وزير زپي ڪوفوڪا تازو پاڪستان جي دوري سان ٻنهي ملڪن جي وچ ۾ اعليٰ سطحي رابطن جي فروغ جو مظهر آهي، پاڪستان ڊينمارڪ سان اقتصادي سفارتڪاري کي استعمال ۾ آڻيندي واپار، سرمائي سميت گڏيل دلچسپي جي شعبن ۾ ٻطرفي تعاون کي وڌائڻ جو خواهشمند آهي. پرڏيهي وزير پاڪستان ۽ ڊينمارڪ جي وچ م ٻطرفي تعاون کي وڌيڪ مستحڪم بڻائڻ جي حوالي سان پاڪستان جي سفير احمد فاروق جي خدمتن کي ساراهيو، سفير احمد فاروق پرڏيهي وزير جو ٿورو ادا ڪندي پاڪستان ۽ ڊينمارڪ جي وچ ۾ ٻطرفي لاڳاپن جي استحڪام لاءِ پنهنجي سڀني توانائين کي استعمال ۾ آڻڻ جي خاطري ڪرائي.

مضمون کا ماخذ : اسٹریٹیجیا لاٹوفاسیل

متعلقہ مضامین