اسلام آباد۔25جنوری (اے پی پی) صدر مملکت ڈاکٹر عارف علوی سویڈن اچ قرآن پاک کوں ساڑݨ اتے بےحرمتی دے گھناؤنے کم دی مذمت کریندیں ہوئیں عالمی برادری تے زور ڈتا جو عالمی برادری سویڈن اچ قرآن پاک کوں ساڑݨ اتے بے حرمتی دے گھناؤنے کم دا نوٹس ڳھن تے انصاف ݙیوݨ بارے ضروری اقدامات کرے۔ سارے مذاہب دے مذہبی جذبات دا احترام کرے اتے تحفظ ضروری اے اتے کہیں کوں وی آزادی دی آڑ اچ ݙوجھے مذہب دے پیراکاراں دے مذہبی جذبات کوں ٹھیس پڄاوݨ اتے انہاں دی توہین کرݨ دی موکل نی ݙیوݨی چاہیدی۔ صدر مملکت اے ڳالھیں بدھ کوں اسلام آباد اچ بین الاقوامی بین المذاہب امن کانفرنس بعنوان ”انسانیت دا احترام اتے اوندی اہمیت” دے افتتاحی اجلاس توں خطاب کریندیں ہوئیں آکھی۔