سپریم کورٹ معاونین حجاج کرام دے انتخاب دے خلاف لاہور ہائیکورٹ دا حکم معطل کرݙتا

اسلام آباد۔22جون (اے پی پی):سپریم کورٹ معاونین حجاج کرام دے انتخاب دط خلاف لاہور ہائیکورٹ دا حکم معطل کرݙتا۔ بدھ کوں چیف جسٹس آف پاکستان جسٹس عمرعطا بندیال دی سربراہی اچ ترائے رکنی بینچ معاملے تے سماعت کیتی ۔ دوران سماعت ایڈیشنل اٹارنی جنرل دلائل ݙیندے ہوئیں موقف اپنائے جو ہائیکورٹ دے حکم توں حج انتظامات متاثر تھیندے پئن، معاونین دا انتخاب حجاج کرام دی خدمت کیتے کیتا ویندے ،حجاج کرام نال معاونین دا انتخاب سعودی حکومت دا تقاضا اے۔ ایں دوران چیف جسٹس عمر عطا بندیال پچھیا جو معاونین دا انتخاب کون کریندے ، معاونین کوں معاوضہ کون ادا کریندے جیں تے ایڈیشنل اٹارنی جنرل عدالت کوں ݙسایا جو معاونین دے انتخاب کیتے سرکاری محکمیں توں ناں منگیے ویندن ، معاونین دا معاوضہ متعلقہ محکمہ ݙٰیندے۔ ہائیکورٹ دے سوالاں دا جواب ݙیوݨ کوں تیار ہیسے ،حکم معطل نی تھیا تاں سعودی عرب پجݨ آلے حجاج کرام کوں مشکلات تھیسن ۔ عدالت عظمی معاونین حجاج کرام دے انتخاب دےخلاف لاہور ہائیکورٹ دا حکم معطل کریندے ہوئیں قرار ݙتے جوعمومی طور تے عبوری حکم نامے اچ مداخلت نی کریندے ،حجاج کرام دی اوکھ تے لاہور ہائیکورٹ دا حکم معطل کریندے پیوں، واضح رہے جو لاہور ہائیکورٹ معاونین حجاج کرام دے انتخاب دے خلاف حکم ݙتا ہئی جو ۔ وزارت مذہبی امور عدالت عالیہ دے حکم دے خلاف سپریم کورٹ اچ اپیل دائر کیتی ہئی ۔

مضمون کا ماخذ : Raging Rhino

متعلقہ مضامین