وفاقی وزیر صنعت و پیداوار مخدوم خسرو بختیار دی صدارت اچ کھاد دے حوالے نال اعلیٰ سطحی اجلاس

اسلام آباد۔8فروری (اے پی پی):وفاقی وزیر صنعت و پیداوار مخدوم خسرو بختیار اڄ کھاد دے حوالے نال اعلیٰ سطحی اجلاس دی صدارت کیتی۔ وفاقی وزیر فوڈ سکیورٹی اینڈ ریسرچ سید فخر امام وی وڈیو لنک دے ذریعے اجلاس اچ شریک تھئے ۔ٻئے شرکاء اچ فرٹیلائزر مینوفیکچرنگ انڈسٹری دے نمائندے، درآمد کنندگان اتے صوبائی محکمیں دے افسران شامل ہن۔ میٹنگ اچ آندے موسم خریف کیتے ڈائی امونیم فاسفیٹ / ڈی اے پی اتے ایندے متبادل مصنوعات دی طب و رسد تے ڳال مہاڑ کیتی ڳئی ، اجلاس اچ ݙسایا ڳئے جو پاکستان ڈی اے پی درآمدات تے انحصار کریندے کیوں جو ڈی اے پی دی مقامی پیداوار صرف 30 فیصد دے نیڑے اے جݙاں جو ربیع تے خریف سیزن اچ ڈی اے پی دی طلب عموماً 2.2 ملین ٹن ہوندی اے ۔ اجلاس اچ اے وی ݙسایا ڳئے جو ایں ربیع اچ یوریا اتے ڈی اے پی دیاں قیمتاں اچ زیادہ فرق دی وجہ توں کساناں یوریا دے مقابلے ڈی اے پی مخض 17.7 فیصد پاتی ۔اجلاس توں خطاب کریندے ہوئیں وزیر خسرو بختیار وزارت فوڈ سکیورٹی کوں ہدایت کیتی جو او کساناں کوں سستیاں قیمتاں تے ڈی اے پی کھاد دی فراہمی کیتے وزارت صنعت و پیداوار دے نال رل تے سبسڈی دا طریقہ کار وضع کرے کیوں جو فاسفورک ایسڈ اتے امونیا دی عالمی قیمتاں وی ڈی اے پی دی پیداوار اچ استعمال تھیندن ۔

مضمون کا ماخذ : ہیوگو 2

متعلقہ مضامین