وزیرعظم محمد نواز شریف دا بجٹ سٹرٹیجی پیپر 2017-20ء بارے کابینہ اجلاس نال خطاب

اسلام آباد ۔ 11 مئی (اے پی پی) وزیرعظم محمد نواز شریف آکھے جو آندے مالی سال دے بجٹ اچ بلند، پائیدار اتے مجموعی شرح نمو دے حصول اُتے توجہ ڈتی ویسی ، کابینہ رکناں آپنڑیں دائرہ اختیار اچ انہاں شعبیاں کوں ترجیح ڈیسن جنہاں نال اقتصادی نمو بہتر اتے روزگار دے اضافی موقعے پیدا تھی سگسن ۔ او خمیس کوں اتھاں بجٹ سٹرٹیجی پیپر 2017-20ء بارے کابینہ اجلاس دی صدارت کریندے پئے ہن ۔ انہاں آکھیا جو حکومت انسانی وسائل اتے فزیکل ڈھانچے اچ بئے سرمایہ کاری کیتے پرعزم ہے، ایں بارے ترقیاتی بجٹ اچ اضافہ اتے غربت اچ گھٹکی کوں ساریاں توں ودھ ترجیح ڈتی ویسی ۔ انہاں آکھیا جو ہنڑ وقت آگئے جو قوم حکومت دیاں اقتصادی پالیسیاں دے پھل توں فیدہ چاوے ۔ وزیراعظم کابینہ ارکان اُتے زور ڈتا جو او ایں طرح دے اقدامات تجویز کرن جنہاں نال ہنڈی اتے رقوم دی ترسیل دے بئے غیررسمی ذرائع دی حوصلہ شکنی تھیوے جو قنونی ذرائع توں باہرلے ملک توں ترسیلات زر اچ ودھارا تھی سگے ۔ وزیراعظم سٹاک ایکسچینج اچ مارکیٹ کیپٹل لائزیشن کو دی تعریف کیتی جیہڑی جو بہوں تکھے ہک سو ارب ڈالر تئیں پج ویسی ۔ وفاقی وزیر خزانہ سینیٹر اسحاق ڈار اجلاس کوں ڈسایا جو حکومت غیر ملکی زرمبادلہ دے ذخائر اچ ودھارا اتے مالیاتی خسارے اچ گھٹکی کرنڑ کیتے وسط مدتی میکرو اکنامک سٹرٹیجی ڈتی ہے ۔ انہاںآکھیا جو مالیاتی ذمہ داری اتے قرضے دی حد دے ایکٹ دے مطابق وفاقی حکومت دا مالیاتی خسارہ جون 2020 تئیں جی ڈی پی دے 4 فیصد تئیں گھن آیا ویسی ۔ آندے مالی سال دے بجٹ اچ مالیاتی دور اندیشی دا مظاہرہ کیتا ویسی جڈانجو سی پیک، توانائی، مواصلات اتے تخفیف غربت دی طرح دی اہم شعبیاں اچ سرمایہ کاری کوں ترجیح ڈتی ویسی ۔ وزیر خزانہ آکھیا جو حکومت جی ڈی پی دی ری ویلیو ایشن اُتے ہک سٹڈی شروع کیتی ہے کیونجو ایں ویلے بہوں سارے شعبے قومی کھاتیاں اچ پوری طرح درج کائنی ۔ انہاں آکھیا جو مالی سال 2017-18ء دے بجٹ کیتے حکومت 6 فیصد دی شرح نال اقتصادی نمو دا ارادہ رکھیندی ہے جڈانجو محصولات دی وصولی اچ ودھارے کیتے کوششاں ودھایا ں ویسن ۔ اجلاس کوں زرعی پیداوارودھاونڑ کیتے کاشتکار برادری کیتے مراعات ڈیونڑ دے حکومتی عزم بارے ڈسایا گیا۔ اجلاس کوں ڈسایا گیا جو وزیراعظم دے زرعی پیکیج دے زراعت دی پیداواراُتے مثبت اثرات تھئے ہن جو کہ مرتب ہوئے ہیں گنے، کنڑک اتے مکئی دی مثالی پیداوار دی شکل اچ ظاہر تھئے ہن ۔ ایں موقعے تے سیکرٹری خزانہ ملک دی موجودہ اقتصادی صورتحال، بجٹ 2017-18ء دے خاکہ اتے وسط مدتی میکرو اکنامک فریم ورک بارے تفصیلی پریزنٹیشن ڈتی۔

مضمون کا ماخذ : loterias da caixa

متعلقہ مضامین