وفاقی کابینہ حکومتی اتحادی جماعتاں بشمول پاکستان پیپلز پارٹی دا 26 ویں آئینی ترمیم دا مجوزہ مسودہ منظور کرڳھدا

اسلام آباد۔20اکتوبر(اے پی پی) وفاقی کابینہ حکومتی اتحادی جماعتاں بشمول پاکستان پیپلز پارٹی دا 26 ویں آئینی ترمیم دا مجوزہ مسودہ منظور کرڳھدے جݙاں جو وزیراعظم محمد شہباز شریف آکھیے کابینہ ملکی ترقی اتے عوامی فلاح دے حلف دی پاسداری کریندے ہوئیں ملکی وسیع تر مفاد اچ فیصلہ کیتے۔ وزیراعظم آفس دے پریس ونگ توں جاری بیان موجب وزیراعظم محمد شہباز شریف دی صدارت اچ وفاقی کابینہ دا اجلاس تھئے ۔ اجلاس اچ وزیرِ قانون و انصاف 26 ویں آئینی ترمیم تے ول تفصیلی بریفنگ ݙتی۔وفاقی کابینہ حکومتی اتحادی جماعتاں بشمول پاکستان پیپلز پارٹی دا 26 ویں آئینی ترمیم دا مجوزہ مسودہ منظور کرڳھدا ۔وزیراعظم محمد شہباز شریف آکھیے پاکستان دی ترقی و خوشحالی اتے ملکی حالات دی بہتری سانڳے کابینہ بہترین فیصلہ کیتے۔پوری قوم کوں 26 ویں آئینی ترمیم دی کابینہ توں منظوری دی مبارخ تھیوے ۔انہاں آکھیے کابینہ ملکی ترقی تے عوامی فلاح دے حلف دی پاسداری کریندے ہوئیں ملکی وسیع تر مفاد اچ فیصلہ کیتے۔اللہ دے فضل و کرم نال ملکی معیشت دے استحکام دے بعد ملک دے آئینی استحکام اتے قانون دی حکمرانی سانڳے ھک سنگ میل عبور تھئے۔عوام نال کیتے ڳئے آپݨے وعدے موجب ملک دی ترقی، خوشحالی تے استحکام سانڳے محنت جاری رکھیسوں ۔انہاں اتحادی جماعتاں دے سربراہان دا خصوصی شکریہ ادا کیتے۔وزیرِاعظم چیئرمین پاکستان پیپلز پارٹی بلاول بھٹو زرداری، نائب وزیرِاعظم و وزیرِ خارجہ اسحاق ڈار، وزیرِ قانون و انصاف اعظم نذیر تارڑ، وزیرِداخلہ محسن رضا نقوی، مشیرِ وزیرِاعظم رانا ثناء اللہ تے وزیرِ اطلاعات و نشریات عطاء اللہ تارڑ دیاں کوششاں دی تعریف کیتی۔

مضمون کا ماخذ : لاٹری کا ٹکٹ کیسے خریدیں

متعلقہ مضامین