نیویارک۔19ستمبر(اے پی پی) نگراں وزیراعظم انوار الحق کاکڑ امریکہ دورے تے نیویارک اچ مصروف ݙینھ گزریسن اتے اقوام متحدہ جنرل اسمبلی دے 78ویں اجلاس دی افتتاحی تقریب اچ شرکت کریسن ۔ وزیراعظم آفس دے میڈیا ونگ توں جاری بیان موجب وزیراعظم اڄ عالمی ترقیاتی اقدام تے اعلیٰ سطحی اجلاس اچ پاکستان دی نمائندگی کریسن تے اجلاس دے شرکاء نال خطاب کریسن ۔ وزیراعظم پائیدار ترقیاتی اہداف تے اعلیٰ سطحی سربراہی اجلاس اچ وی شرکت کریسن اتے اجلاس دے شرکاء توں خطاب کریسن ۔ وزیراعظم دی ایران دے صدر سید ابراہیم رئیسی اتے ترکیہ دے صدر رجب طیب اردوان نال وی ملاقاتاں متوقع ہن۔ وزیراعظم انوار الحق کاکڑ امریکہ دے صدر جو بائیڈن دی طرفوں عالمی رہنماواں دے اعزاز اچ ݙتے ڳئے عشائیہ اچ وی شرکت کریسن۔