د پاكستان انټرنېشنل ايئر لائن چيف ايګزېكټو آفيسر او چيئرمېن ايئر مارشل ارشد محمود ملك مېډيا ته بريفنګ
APP28-15
ISLAMABAD: January 15 Federal Minister for Privatization and Aviation Muhammad Mian Soomro addressing press conference. APP photo by Irshad Sheikh
اسلام آباد 15 جنوري (اے پي پي) د پاكستان انټرنېشنل ايئر لائن(پي آئي اے) چيف ايګزېكټو آفيسر او چيئرمېن ايئر مارشل ارشد محمود ملك وئېلي دي د پي آئي اے انتظاميه به سږ كال مارچ كښې پنځو كالو لپاره ستراتېژېكي بزسن پلان حكومت ته لېږي چې پكښې به د ايوي اېشن پالېسي٬آمدن زياتول٬په ځايې كچه د مكمل پليټ آف ګرېډېشن رائيټ سائزينګ او په ګټورو لارو سروس پیل كول شامل دي٬په شارټ ټرم پلان كښې به د حج آپرېشن 2019 ته پام لرنه كول وي ٬د پي آئي اے سټاف ملكيت تسليمولو سره به د سيفټي نړيوال آډټ كولې شي٬د چوكۍ سنبهالولو په وړومبنو دريو مياشتو كښې به په خساره كښې تلونكي 7 روټس بندولې او 7 نوې روټس پیل كولې شي٬په نوو لارو 95 فيصده سيټونه ډكېږي٬ د 431 اربه واجبات٬د 247 اربه قرض او 144 اربه روپۍ ادارو له وركول دي٬پي اېس او د واجباتو په نه ادا كولو فيول نه وركوي٬په پخوانو حكومتونو كښې د خپلې خوښې ايئر لائنز ته ګټه رسولو لپاره د غېر متوازن اوپن سكائي په سبب پي آئي اے د 550 پروازونو نه 220 پروازونو ته راغلې ده ٬سره د دې چې ملازمان اضافي دي خو كوم ملازم به هم نه اخوا كوو ٬د سترې محكمې د حكم له مخې د جعلي ډګرو٬ګهوسټ ملازمانو او د صفر كاركردګۍ ملازمانو لپاره پي آئي اے كښې هېڅ ځاې نشته٬په پیښور كښې نائيټ لينډنګ بېرته پېل كولې شي۔ده د نهې په ورځ د هوا بازۍ وفاقي وزير ميا محمد سومرو٬ د وزيراعظم خاص مرستيال افتخار دراني٬د هوا بازۍ سېكتر شاه رخ نصرت سره يوځاې په پي آئي ډي كښې مېډيا ته بريفنګ وركولو۔ده ووئيل كله نه چې د پي آئي اے ذمه وارۍ ما سنبهال كړی نو دا تاثر ؤ چې پي آئي اے سپين هاتي دے٬يونين او كرپشن مافيا فعاله ده٬اضافي عمله ده٬ګهوسټ ملازمان هم شته ٬په پي آئي اے كښې چې كوم افسران او ملازمان ښه وو د هغوي په مرسته مو د نظام بهتر كولو سفر پېل كړے ۔ده ووئېل په پي آئي كښې تر ټولو ښه انجينئران٬ټېكنيشنز٬پائېلوټان او كيبن كريو موجود دي خو دوي ته په پي آئي اے كښې ملكيت نه دې وركړی شوې۔د پي آئي اے 777 بوئنګ الوتكې متروك ګرځولې شوې ۔ ده ووئېل د پي آئي اے په الوتكو كښې به دننه بيټ شيټ راځوړندولو سره ګزاره كېدله٬په كړكۍ به ټېپ لګولې شو او تل لپاره بند كړې شوې وې چې كومې الوتكې كينول شوې وې د هغې انجڼې او قيمتي آلات پټ كړی شوي وو ٬ ده ووئېل د الوتكې ټوچين كولو مشينري او آلات ناكاره وو۔كينول شوې الوتكې هم داسې تر آسمان لاندې ولاړې وې چې دغسې پاتې هم ناكاره شي۔د الوتكو كاك پيټ د ګند نه ډك ؤ۔د پي آئي اے په كومه الوتكه كښې انټرټينمنټ نه وو٬پنځه كاله مخكښې يوه لوظ نامه شوې وه په كومه چې 42 ملينه ډالره لګښت راغلې ؤ چې پكښې 8 ملين ډالره اېډوانس وركړې شوي وو او بيا څلور پنځه كاله پس يې چا هم پوښتنه ونه كړه۔ ده ووئېل د الوتكو د سيټونو هم دغسې يوه لوظ نامه شوې وه خو چې مونږ په وړومبي ځل د ټاؤن شپ كوم چې د تېرو څو لسيزو څخه د يونين په كنټرول كښې وو په خوا او شا كښې تجاوزات ختم كړل٬د 480 ليګل كيسونو ترسره كولو كار پیل كړې شو۔په دې وخت كښې په پي آئي اے كښې سياسي مداخله نشته او نه د يونين كوم فشار شته٬ټول ملازمان په ښه ماحول كښې خپل خپل كار كوي۔ده ووئيل 54 فيصده سيټونو سره د پرواز 7 روټس بند كړې شوي او نوې روټس معرفي كړی شوي چرته چې 95 فيصده سيټونه پوره وي۔ده ووئيل څلور كاله وړاندې په پېښور كښې د يوې پېښې نه پس نائيټ لينډنګ بند كړې شوے ؤ او د دې نه پس چا هم د رابطې كولو هڅه ونه كړې ٬مونږ چې د پاك فضائيه برخه وو نو مونږ ته معلومه وه چې په پېښور كښې نائيټ لينډنګ بند دے ۔ ده ووئېل پي آئي اے ته د راتلو نه پس د پروازونو نائيټ لينډنګ بېرته پیل كولو نه پس ډېر كار ترسره شوې۔ده ووئيل د وړومبو دريو مياشتو په مهال 200 ګهوسټ ملازمان فارغ كړې شوي ٬د 388 ملازمانو ډګرۍ په جعلي ګرځېدو كاروائي شوې٬ 73 كيبن كريو او 7 پائېلوټان په جعلي ډګرو فارغ كړې شوي ۔ده ووئيل پي آئي اے په تاشقند٬تهران٬نوې ډېلي٬ممبئي٬نيويارك٬كوپن هيګن٬اميسټر ډيم كښې 23 جائيدادونه لري خو سره د دې هم پي آئي اے په كرايه جائيدادونه ترلاسه كړي۔د اړوندو سفارتخانو د لارې به دا جائيدادونه ښه كولې شي او د مستقل آمدن ذريعه به جوړولې شي يا به كومه بله طريقه استعمالولې شي۔ارشد محمود ملك ووئيل د پي آئي اے د يونين صدر 13 ګاډي لرل چې پكښې 8 د هغه څخه بېرته اخستې شوي۔په ځينو ګاډو د امتناع حكم ترلاسه كړی شوې٬ده له به 250 ليټره د يو ګاډي تېل هم وركول كېدل۔دې سره سره د يونين د دفتر څخه د بورډنګ كار اجرا٬كميونيكېشن او ريونيو سسټم ته رسنه وه كومه چې ختمه كړې شوې۔ده ووئيل د دريو مياشتو په مهال په پي آئي كښې چا وړيا سفر نه دې كړی۔وړيا ټكټ لپاره كوم فشار نشته٬د پي آئي اے ملازمانو د مېډيكل په اخراجاتو كښې هره مياشت د يو كروړ روپو كمې شوې او اېس اے بي آر سسټم لپاره د 30 كالو لوظ نامه شوې وه٬ايئر لائن په خساره كښې و خو كمپني په ګټه كښې روانه وه٬دا لوظ نامه ختمه كړی شوې او په نوې سسټم منتقل كړې شوې۔د يوې پوښتنې په ځواب كښې ايئر مارشل ارشد محمود ملك ووئيل د آډيټر جنرل راپور په ستره محكمه كښې دے ٬ په دې كښې چې چا هم خپل اختيارات ناوړه كارولي يا يې كرپشن كړې د سترې محكمې په حكم به د دوي په ضد كاروائي كولې شي۔ده ووئيل د حوېلو د الوتكې پېښې ابتدائي راپور راغلې٬په تفصيلي راپور به د انكوائرۍ بورډ په ټولو وړاندېزونو عمل كولې شي
