APP60-11
KARACHI: May 11 - Prime Minister Shahid Khaqan Abbasi inaugurating National Incubation Center. APP
كراچۍ 11 مئی (اے پی پی)وزيراعظم شاهد خاقان عباسي وئېلي دي ټول ټاكنې به په خپل وخت كېږي٬اولس به پريكړه كوي چې راروان حكومت به د چا وي٬مسلم ليګ(ن)به د خپلې كاركردګۍ په بنياد ټول ټاكنو كښې برخه اخلي٬هېواد كښې چې څومره هم پرمختګ شوې په جمهوري دور كښې شوې٬مسلم ليګ(ن)پنځو كلونو كښې د خذمت او پرمختګ ماډل وړاندې كړی٬د هېواد په تاريخ كښې دومره كار چرته نه دې شوې٬په كراچۍ كښې د ژورو اوبو كانټينر پورټ د سيمې جديد پورټ دے٬دې سره به د مينځني آسيا٬چين او افغانستان پشمول د سيمې نورو هېوادونو سره رابطې زياتې شي۔ده د جمعې په ورځ د پاكستان د ژورو اوبو وړومبني كنټينر پورټ پرانستې دستورې ته خطاب كولو۔وفاقي وزير مير حاصل بزنجو٬ډاكټر مفتاح اسماعيل٬د سندھ وزيراعلٰی سيد مراد علي شاه او نور هم په دې موقع موجود وو۔وزيراعظم ووئيل د هېواد د ژورو اوبو كنټينر پورت فيز ون پرانسته د خوشحالۍ خبره ده٬پاكستان كښې د ژورو اوبو كنټينر پورټ د سيمې جديد پورټ دے۔ دې سره به د مينځني آسيا٬چين او افغانستان پشمول د سيمې نورو هېوادونو سره رابطې زياتې شي۔ده ووئيل دا ډول پروژې به پورټ قاسم او ګوادر پورټ كښې هم لګولې شي٬دا بندرځايونه تجارتي هلو ځلو له مركزي اهميت لري دغسې د اېل اېن جي ټرمينل به هم جوړولې شي۔وزيراعظم ووئيل د پاكستان مسلم ليګ(ن)حكومت په پرمختيائي ايجنډا كار كوي۔سي پیك پروژې هم په تندۍ سره بشپړیدونكې دي۔ ده ووئېل محمد نواز شريف د نوي پروژو پېل كولو او پخوانو پروژو بشپړولو اعلان كړی ؤ پھ كومو چې عملدرآمد كېږي۔ده ووئيل دا وړومبې حكومت دے كوم چې پروژې پیل كړي او بشپړې كړې هم دي۔ده ووئيل پھ هېواد كښې د توان په بحران قابو موندلو له د 10400 مېګاواټ پروژې پیل شوي او بشپړې شوي۔ده ووئيل پھ هېواد كښې د اتلس سوه كلوميټره اوږد هائي ويز بشپړېدونكې دي دغسې 1700 كلوميټره اوږدې موټرويز جوړیدو سره به د سيمې رابطو له مركزي كردار ترسرشي٬ وزيراعظم ووئېل دا معمولي پرمختګ نه دې وړاندې هم حكومتونه راغلي خو زمونږ حكومت د نواز شريف د وژن ترمخه كار كړی او په ټولو چېلنجونو يې قابو موندلې چې په نتيجه كښې يې نن پاكستان پرمختګ كوي۔وزيراعظم ووئيل پاكستان يو ښه معيشت لرې٬د جي ډي پي شرح نمو 5.8 فيصد ته رسېدلې دغسې پھ افراط زر قابو موندلې شوې او سره د چېلنجونو لويې پرمختيائي پروژې بشپړې شوي۔ده ووئيل د راروان كال په بجټ كښې په وړومبي ځل تاريخي اصلاحات شوي۔شاهد خاقان عباسي ووئيل د دغې اصلاحاتو په نتيجه كښې ټېكس وركونكو له آسانۍ وركړی شوي او وګړي هم ټېكس نېټ كښې شامل شوي۔پھ دې موقع وزيراعظم د كے پي ټي ملازمانو لپاره د يوې مياشتې تنخا برابر بونس وركولو اعلان وكړو۔ده ووئيل بايد د ملازمانو جائز غوښتنې تر سره شي۔وزيراعظم ووئيل پھ هېواد كښې چې څومره هم پرمختګ شوې په جمهوري دور كښې شوې٬دا به دوهم حكومت وي چې خپله موده بشپړوي۔په جولائي كښې به ټول ټاكنې كېږي او اولس به پريكړه كوي چې راروان حكومت به د چا وي۔ ده ووئېل د ووټ په نتيجه كښې كوم هم حكومت جوړ شي هغه به مخ په وړاندې ځي۔مسلم ليګ(ن)به د خپلې كاركرډګۍ په بنياد ټول ټاكنو كښې برخه اخلي۔ده ووئيل ټول ټاكنې به پھ خپل وخت كېږي او دا هڅه به كولې شي چې ټول ټاكنې په سپيځلې ډول وكړی شي۔وزيراعظم ووئيل موجوده حكومت د اولس د ووټ پھ نتيجه كښې راغلې ؤ ٬راروان حكومت به هم د اولس پھ طاقت راځي۔ده ووئيل هېواد كښې جوډيشل ايكټيوازم روان دے٬ټولې ادارې د خپل ځاې جوړولو هڅه كوي۔آئين د ټولو ادارو د كار دائره او اختيارات ټاكلې دي۔ده د دستورې په ګډون كونكو زور راوړو چې ټول ټاكنو كښې ذمه وارۍ سره برخه واخلي٬خپل ووټ استعمال كړي هم دغه د جمهوريت سبق دے
