کوئټه 29 دسمبر(اے پی پی) د كورنيو چارو وفاقی وزیر احسن اقبال وئيلي دي هېواد دا مهال د ګڼو چيلنجونو سره مخ دې، مخالفھ ډله دې د دهرنو په ځائې د حکومت سره په ګډه د هېواد استحکام او پرمختګ له خپل كردار ترسره كړي، سردار بهادر خان ویمن پوهنتون پشین کیمپس جوړولو سره به د سيمې زدكونكو ته د اعلیٰ تعلیم موخې ترلاسه شي،سی پیك پروژې سره به هېواد كښې د پرمختګ نوې دور پيل شي۔ د دې خيالاتو څرګندونه ده د جمعې په روځ سردار بهادر خان پوهنتون پشین کیمپس پرانستې نه پس میډیا او زدكونكو ته خپل خطاب کښې وكړه۔ په دې موقع صوبائی وزیر ډاکټر حامد خان اچکزئی، د صوبائی اسمبلۍ غړې آغا لیاقت ، د سردار بهادر خان ویمن پوهنتون وائس چانسلره رخسانه جبین، د كوئټې دوهم میئر محمدیونس بلوچ ،نصیب اللہ بازئی ،ډی آئی جی عبدالرزاق چیمه ، دوهم کمشنر پشمول نور چارواكي هم موجود ؤ۔وفاقی وزیر احسن اقبال ووئيل قائد اعظم محمد علی جناح وينا ده چې د پاكستان پرمختګ له ضروری ده چې ميرمنې د سړو برابر كردار ترسره كړي۔خضدار،پشین ،وډھ او نوشکی كښې د پوهنتون کیمپس جوړولو سره به د سيمې زدكونكو ته د اعلیٰ تعلیم موقعې ترلاسه شي اوس به څوك هم د تعلیم څخه محروم نه وي۔وفاقی وزیر ووئيل امن ته تر ټولو اول پام لرنه كېږي كوم هېواد كښې چې امن نه وي هلته پرمختګ نه كېږي۔ افغانستان ،عراق او نور حالات زمونږ پھ وړاندې دي۔ د ميډيا سره خپلو خبرو كښې ووئيل سی پیك پروژې سره به هېواد كښې معاشی انقلاب راشي خو ځينې وګړې د دې پروژې په ضد بې بنسټه ډنډورې كوي خو حقیقت معلومولو نه پس اوس ټول د دې پروژې بشپړولو كښې خپل کردار ترسره كوي ۔ ده ووئيل سندھ ،خېبرپښتواہ ،ګلګت بلستان ،بلوچستان او د پنجاب اولس به د دې پروژې څخه استفاده وكړي ۔ ده ووئيل اولس دې په بې بنسټه ډنډورو پسې نه ځي ٬ ترهه ګر سی پیك ته د زيان رسولو لپاره هلې ځلې كوي او هند د ګاونډي هېواد د لارې دې پروژې ته د زيان رسولو هڅو كښې بوښت دے ٬ ده ووئېل د هند د نیوی حاضرسروس افسر کلبھوشن نيول د دې ښكار مثال دے خو امنيتي ادارې هم د ترهه ګرۍ ختمولو له كردار ترسره كوي۔ د يوې پوښتنې په ځواب ده ووئيل د لوړو زدكړو فنډز 12 اربه نه 35 اربه روپو ته رسولې شوې او راروان كال به تر 50 اربه ورسولې شي دغسې چې ځوانان اعلیٰ تعلیم ترلاسه كړي۔وفاقی وزیر د سردار بهادرخان پوهنتون کیمپس باقاعده پرانسته وكړه۔وفاقی وزیر زدكونكو له باور وركړو چې وفاقی حکومت به پشین كښې د پوهنتون لپاره ښه ودانۍ جوړوي، زدكونكو له به لیپ ټاپ او پوهنتون له جدید الات وركولو له ټول وسائل وركولې شي دغسې چې د پشین زدكونكي هم اعلیٰ تعلیم ترلاسه كولو سره د هېواد پرمختګ كښې خپل كردار ترسره كړي۔
