نوجوانن جي صلاحيتن کي اجاگر ڪرڻ لاءِ سڄي ملڪ ۾ ڪرڪيٽ ۽ هاڪي سميت مختلف راندين جون 10 اسپورٽس اڪيڊميون قائم ڪيون وينديون: رانا مشهود احمد خان

ڪراچي-24 جولاءِ (اي پي پي) وزيراعظم يوٿ ڊولپمينٽ پروگرام جي چيئرمين رانا مشهود احمد خان چيو آهي ته نوجوانن جي صلاحيتن کي اجاگر ڪرڻ لاءِ سڄي ملڪ ۾ ڪرڪيٽ ۽ هاڪي سميت مختلف راندين جون 10 اسپورٽس اڪيڊميون قائم ڪيون وينديون. ڪراچي يونيورسٽي جي يوٿ ڊولپمينٽ سينٽر جي دوري دوران ميڊيا سان ڳالهائيندي راڻا مشهود چيو ته هلندڙ سال وزيراعظم اسپورٽس ٽيلنٽ هنٽ پروگرام شروع ڪيو ويندو، جنهن تحت نوجوانن کي پنهنجون صلاحيتون ڏيکارڻ جا موقعا فراهم ڪيا ويندا ۽ کين جديد ترين تربيتي سهولتون ڏنيون وينديون. هن چيو ته ڪرڪيٽ، هاڪي، فٽبال، والي بال ۽ ٻين راندين جون اسپورٽس اڪيڊميون نوجوانن کي پوري دنيا ۾ ملڪ جو نالو روشن ڪرڻ جا موقعا فراهم ڪنديون. رانا مشهود احمد خان اهو به اعلان ڪيو ته حڪومت پاڪستان جي قومي راند جي شان کي بحال ڪرڻ لاءِ ملڪ ۾ پهرين هاڪي ليگ ڪرائڻ جو پڻ فيصلو ڪيو آهي. هن چيو ته وزيراعظم شهباز شريف پاڪستان جي قومي راند جي ماضي جي شان کي بحال ڪرڻ جي هدايت ڪئي هئي جنهن جي نتيجي ۾ 13 سالن کانپوءِ پاڪستان هاڪي ٽيم انٽرنيشنل ايونٽ جي فائنل ۾ پهتي. هن چيو ته اسان جي هاڪي رانديگرن کي انٽرنيشنل هاڪي ڪلبن پاران دعوت ڏني وئي آهي ۽ هو اتي اسپورٽس ڪلب ۾ شامل ٿيڻ لاءِ آسٽريليا وڃڻ لاءِ تيار آهن. هن چيو ته اسان جي ملڪ ۾ تمام گهڻو ٽيلنٽ موجود آهي جنهن کي اڳتي وڌڻ لاءِ پليٽ فارم جي ضرورت آهي ۽ وزيراعظم شهباز شريف جي سرپرستي هيٺ وزيراعظم يوٿ ڊولپمينٽ پروگرام کين نئين اميد ۽ مستقبل فراهم ڪندو. هن اميد ظاهر ڪئي ته ايندڙ ڪجهه مهينن ۾ راندين جا ميدان به اسان جي باصلاحيت نوجوانن سان ڀريل نظر ايندا ۽ قوم تعليم ۽ انفارميشن ٽيڪنالاجي جي شعبن ۾ ترقي ڪندي. هڪ سوال جي جواب ۾ راڻا مشهود چيو ته مسلم ليگ ن جي حڪومت 2018ع تائين هر سال اعليٰ تعليم جي بجيٽ ۾ واڌ ڪئي پر بدقسمتي سان اسان جي قائد محمد نواز شريف کي ڪوڙي ڪيس ۾ نااهل ڪيو ويو، جڏهن ته تعليم جي سالياني بجيٽ گهٽ ڪرڻ شروع ڪئي وئي. هن چيو ته وزيراعظم شهباز شريف جي حڪومت هائير ايجوڪيشن جي بجيٽ ۾ گهٽتائي نه ڪرڻ جي سخت مزاحمت ڪئي ڇو ته مسلم ليگ (ن) ملڪ ۾ تعليم جي فروغ لاءِ پرعزم آهي. پي ٽي آءِ جي اڳوڻي حڪومت تي تنقيد ڪندي هن چيو ته اڳوڻن حڪمرانن ملڪ کي معاشي بحران ۾ وجهي ڇڏيو پر مسلم ليگ (ن) ۽ ان جا اتحادي ملڪ کي صحيح رخ ڏانهن وٺي وڃن ٿا.

مضمون کا ماخذ : prêmios dupla sena

متعلقہ مضامین