اسرائیل آپݨے غاصبانہ قبضے کوں قائم رکھݨ کیتے بین الاقوامی قوانین اتے انسانی حقوق دی مسلسل خلاف ورزیاں کریندا پئے، وزیراعظم دایوم القدس اتے جمعتہ الوداع دے موقع تے سنیھا

اسلام آباد۔5اپریل (اے پی پی) وزیرِ اعظم محمد شہباز شریف اسرائیلی جارحیت اتے ظلم تے جبر دی مذمت کریندیں ہوئیں آکھیا جو اسرائیل آپݨے غاصبانہ قبضے کوں قائم رکھݨ کیتے بین الاقوامی قوانین اتے انسانی حقوق دی مسلسل خلاف ورزیاں کریندا پئے جئیں تے عالمی برادری چپ اے، پاکستان غاصبانہ اسرائیلی قبضے توں نجات اتے 1967 توں پہلے دی سرحداں دے مطابق ہک آزاد فلسطینی ریاست ٻݨاوݨ تئیں آپݨے نہتے فلسطینی ٻھیݨ بھراواں دی اخلاقی تے سفارتی حمایت کریندا رہسی۔ جمعے کوں وزیراعظم آفس دے میڈیاونگ توں جاری بیان موجب اے ڳالھیں انہاں دایوم القدس اتے جمعتہ الوداع دے موقع تے سنیھا اچ آکھی۔ وزیراعظم آکھیا جو مئیں سودھی پوری پاکستان قوم یقم القدس دے موقع تے اسرائیلی جارحیت اتے ظلم دی مذمت کریندی اے اتے آپݨے نہتے فلسطینی ٻھیݨ بھراواں نال یکجہتی کریندی اے۔ وزیراعظم آکھیا جو پاکستان غاصبانہ قبضے توں نجات اتے 1967 توں پہلے دی سرحداں دے مطابق ہک آزاد فلسطینی ریاست ٻݨاوݨ تئیں آپݨے نہتے فلسطینی ٻھیݨ بھراواں دی اخلاقی اتے سفارتی حمایت کریندا رہسی۔ میݙی پاکستان اتے پوری دنیا دے مسلماناں توں جمعۃ الوداع دے موقع تے گزارش اے جو او رمضان دی برکتاں ڳھندیں ویلھے آپݨے فلسطینی تے کشمیری ٻھیݨ بھراواں کوں دعائیں اچ یاد رکھن۔

مضمون کا ماخذ : پاور بال جیک پاٹ

متعلقہ مضامین