ٹی ٹی پی رہنماءملا فضل اللہ دی ہلاکت وڈی کامیابی اے،ترجمان دفتر خارجہ

اسلام آباد ۔ 21 جون (اے پی پی)پاکستانٹی ٹی پی رہنماءملا فضل اللہ دی ہلاکت کوں وڈی کامیابی قرار ڈیندے ہوئے آکھیے جو پاکستان ٹی ٹی پی دے دہشت گرداں دا پیچھا جاری رکھسی،پائیدار امن کیتے افغانستان دی حمایت جاری راہسی،امن کیتے بھارت کوں چانکیہ ذہنیت توں باہرو نکلڑاں ہوسی ۔ اے گالھ دفتر خارجہ دے ترجمان ڈاکٹر محمد فیسل اسلام آباد اچ ہفتہ وار بریفنگ اچ آکھی۔ترجمان دہشت گرد تنظیم تحریک طالبان دے رہنماءملا فضل اللہ دی ہلاکت دی تصدیق کریندے ہوئے آکھیے جو ٹی ٹی پی دے ہتھ پاکستان اچ بے گناہ شہریاں دی رت نال رنگیے ہوئن، پاکستان افغانستان اچ پائیدار امن کیتے افغان حکومت دے اقدامات دی حمایت کریندے، این سانگے افغان حکومت اتے طالبان وچال جنگ بندی اہم پیشرفت اے۔ترجمان آکھیے جو پاکستان ٹی ٹی پی سودھے دہشتگرداں دے سارے گروہاں دے خلاف بغیر کہیں وانجھ دے کارروائی کریندا پئے۔ عافیہ صدیقی دے حوالے نال ترجمان آکھیے جو امریکہ اچ پاکستان دے قونصل جنرل 23 مئی کوں عافیہ صدیقی نال ملاقات کیتی اتے امریکی حکام دی بدسلوکی دی شکایت کیتی،پاکستان اے معاملہ امریکا دے اگو رکھیے جڈا داکٹر عافیہ صدیقی ماءدے ناویں ہک خط وی قونصل جنرل کوں ڈتے۔ انہاں آکھیے جومقبوضہ کشمیر اچ نام نہاد ”گورنر راج“ہک سازش اے جیندے نال بھارتی مظالم ودھسن اتے بھارتی فورسز کوں بےگناہ کشمیریاں دے خلاف فری ہینڈ ملسی، بھارت خطے کوں اسلحہ دی دروک اچ سٹیندا پئے اتے ایں سانگے اقوام متحدہ فیکٹ فائنڈنگ مشن مقبوضہ کشمیر بھیجنڑ اتے پاکستان نال مذاکرات کیتے یر کیا ہوئے۔

مضمون کا ماخذ : لوٹیریا سانتا کیٹرینا

متعلقہ مضامین