گیس دے شعبہ اچ نویں دریافتاں نال توانائی دے تحفظ یقینی بنڑاونڑ اچ مدد ملسی،وزیراعظم شاہد خاقان عباسی دا مول پاکستان دے تولنج گیس پروسیسنگ پلانٹ دا افتتاح اتے تقریب توں خطاب

APP68-27 KOHAT: March 27 - Prime Minister Shahid Khaqan Abbasi addressing a gathering after inauguration of MOL Pakistan Tolanj Gas Processing Facility. APP

کوہاٹ۔ 27 مارچ (اے پی پی)وزیراعظم شاہد خاقان عباسی آکھیا جو پاکستان اچ توانائی دے شعبہ اچ اجوکی حکومت بہوں کم کیتے جئیں پاروں گیس دی گھٹکی اتے لوڈشیڈنگ دے مسئلے تے کافی حد تئیں قابو پا گھدا گئے اتے لوڈ شیڈنگ دا مسئلہ وی حل کر ڈتے۔آندے کجھ مہینیاں بعد کوئی لوڈشیڈنگ کائنا ہوسی۔گیس دے شعبہ اچ نویں دریافتاں نال توانائی دے تحفظ یقینی بنڑاونڑ اچ مدد ملسی،پاکستان اچ مقامی تے غیر ملکی سرمایہ کاراں کوں ہرممکنہ سہولت کوں یقینی بنڑیندیں پئیوں ۔اے گالھیں انہاں منگل کوں تولنج گیس پروسیسنگ پلانٹ دا افتتاح اتے تقریب توں خطاب کریندیں ہوئیں آکھی۔ایں توں پہلے انہاں مول پاکستان دے تولنج گیس پروسیسنگ پلانٹ دا افتتاح کیتا۔ایں موقع تے گورنر خیبر پختونخوا اقبال ظفر جھگڑا اتے آئل اینڈ گیس کمپنی دے سینئر حکام اتے مول دے عہدیدار وی موجود ہن۔۔تولنج منصوبہ پبلک پرائیویٹ پارٹنر شپ دی عمدہ مثال اے۔ایں منصوبے نال ملک دے شمالی حصیاں بشمول کے پی کے کوں گیس دی سپلائی اچ ودھارا تھیسی۔پلانٹ توں ڈو کروڑ کیوبک فٹ یومیہ گیس پیداتھیسی،تولنج منصوبے نال قومی خزانے اچ 3کروڑ10لکھ ڈالر سالانہ ودھارا تھیسی۔

مضمون کا ماخذ : آن لائن لاٹری

متعلقہ مضامین