ملک اچ سیاسی استحکام سانڳے ڳالھ مہاڑ دا رستہ اپناوݨا چاہیدے ،وفاقی وزیرقیصراحمد شیخ

فیصل آباد ۔01 دسمبر (اے پی پی) وفاقی وزیرمیری ٹائم افیئرز قیصر احمد شیخ آکھیے جو ملک اچ سیاسی استحکام سانڳے ڳالھ مہاڑ دا رستہ اپناوݨا چاہیدے ، جمہوریت اچ پرتشدد سیاست دی گنجائش نی ہوندی تے نہ ہی پرتشدد احتجاج سیاسی جماعتاں دا رستہ ہوندے،سیاست اچ پرامن احتجاج کرݨ ہر بندے تے جماعت دا حق اے لیکن ایں توں معمولات زندگی متاثریاملکی نظام درہم برہم نی تھیوݨا چاہیدا ۔ فاسٹ یونیورسٹی چنیوٹ وفیصل آباد کیمپس دے کانووکیشن دی تقریب دے موقع تے میڈیا نال ڳالھ مہاڑ اچ انہاں آکھیے سیاسی استحکام دے بغیر پاکستان ترقی نی کرسڳدا لہٰذا ساریں توں ݙو ݙو قدم پچھی تے تھیوݨا چاہیدے تاں جو سیاسی ماحول بہتراتے ملک اچ معاشی استحکام ہووے۔ انہاں آکھیے اے امر افسوسناک اے جݙاں وی ملک ترقی کرݨ لڳدے تاں سیاسی افرا تفری پیدا کرݙتی ویندی اے ۔وفاقی وزیرآکھیے چنیوٹ پنجاب دے ادھ اچ واقع اتے اہم کاروباری مرکز اے جیں دی ترقی انہاں دی ولین ترجیح اے۔

مضمون کا ماخذ : resultados loteria Bahia

متعلقہ مضامین