کشمیر اچ انسانیت دی تذلیل کرنڑ آلے مودی دا غرور مٹی اچ رل ویسی،کشمیریاں دی ہک ہک ہنجھ دا حساب گھنسوں، ڈاکٹر فردوس عاشق اعوان
APP14-01
SIALKOT: September 01 - Special Assistant to PM on Information and Broadcasting Dr. Firdous Ashiq Awan addressing during oath taking ceremony of Electronics Media Association. APP photo by Muhammad Munir Butt
سیالکوٹ ۔یکم ستمبر (اے پی پی) وزیراعظم دی معاون خصوصی برائے اطلاعات ونشریات ڈاکٹر فردوس عاشق اعوان آکھیے جو کشمیر اچ انسانیت دی تذلیل کرنڑ آلے مودی دا غرور مٹی اچ رل ویسی،کشمیریاں دی ہک ہک ہنجھ دا حساب گھنسوں،پاک فوج اپنڑی رت نال ملک دیاں بنیاداں تکڑیاں کریندی پئی اے،میڈیا مسلہ کشمیر سانگے اپنڑا اہم کردار نبھاوے۔اے گالھ انہاں سیالکوٹ اچ الیکٹرانک میڈیا ایسوسی ایشن سیالکوٹ دی تقریب حلف برداری نال خطاب اچ آکھی۔ انہاں آکھیا جو کشمیرا چ کرفیو پاروں لوکاں کوں کھاونڑ پیونڑدیاں شئیں وی نئیں ملدیاں پیاں،اینجھے حالات اچ میڈیادا کردار بہوں اہم اے،مودی دے نازی اتے ہٹلر رویہ کوں جگ دے اگو بے نقاب کیتا ونجے،جیویں وزیراعظم عمران خان نال پوری قوم اتے میڈیا ہک زبان تھی تے کشمیر کیتے آواز چاتی اے او ہک تریخی اقدام اے جیندا پورے جگ تئیں اثر پئے،وزیر اعظم پاکستان عمران خان اج جگ اچ ہک قد آور شخصیت بنڑ چکین جیہڑے ڈٹ تے جگ اچ کشمیر دا مقدمہ لڑدے پین۔ انہاں آکھیے جو سیالکوت کشمیر دا گیٹ وے اتے پاکستان دے دفاعی حصار دا پہلا مورچہ اے، وزیر اعظم پاکستان مسلم امہ اچ اپنڑے دل دی آوازپچیندے راہسن بھل سیالکوٹ دے لوک اتے صنعتکاروی کشمیر دے سفیر بنڑتے جگ کون کشمیر دے حالات ڈساون۔
