پاکستان دی معیشت تکڑی تھیندی پئی اے، سیاست ہک پاسے سٹ تے ملک ݙیوالہ تھیوݨ توں بچائے، وزیراعظم محمد شہباز شریف

APP34-250724 ISLAMABAD: July 25 - A delegation of the members of KP Assembly called on Prime Minister Muhammad Shehbaz Sharif. APP/MAF/TZD/FHA

اسلام آباد۔25 جولائی(اے پی پی)وزیراعظم محمد شہباز شریف آکھیے جو پاکستان دی معیشت تکڑی تھیندی پئی اے، ریاست کیتے سیاست ہک پاسے سٹ تے ملک ݙیوالہ تھیوݨ توں بچائے۔ اے ڳالھ وزیراعظم محمد شہباز شریف اسلام آباد اچ خیبر پختونخوا دے قومی و صوبائی اسمبلی دے ارکان نال ملݨ ویلھے آکھی۔ ایں موقع تے نائب وزیراعظم و وزیر خارجہ اسحاق ڈار، وزیر امورکشمیر و گلگت بلتستان انجینئر امیر مقام، گورنر خیبر پختونخوا فیصل کریم کنڈی اتے متعلقہ اعلی حکام وی موجود ہن۔ ملاقات اچ منتخب نمائنداں وزیراعظم دی اڳواݨی اچ ملکی معیشت دی بہتری کیتے اقدامات تے تعریف کیتی اتے وزیراعظم کوں اپݨے حلقیاں دے مسلے ݙسائن اتے انہاں دے حل کیتے تجویزاں وی ݙتن۔ وزیراعظم آکھیے جو ملکی معیشت سدھی راہ تے ٹر پئی اے، خیبر پختونخوا بالخصوص ضم شدہ اضلاع دی ترقی حکومت دی ترجیح اے، تاریخ گواہی ݙیسی جو ضم شدہ اضلاع دی ترقی کیتے مسلم لیگ ن ہمیشہ اڳونہے اقدامات کیتن، انہاں اضلاع اچ صحت و تعلیم دیاں معیاری سہولتاں ݙتیاں ویسن اتے اتھو دے غریب و متوسط طبقے کوں عالمی معیار دی تعلیم سانڳے دانش سکولز کھولیے ویسن۔ انہاں آکھیا جو بجلی دے شعبے دی اصلاحات نال سالانہ ارباں روپے دی بجلی چوری ماکوݨ دی کوشش اے ایں سانڳے منتخب نمائندے حکومت دا ہتھ ونݙاون، پورے ملک اچ زرعی ٹیوب ویلاں کوں شمسی توانائی تے منتقل کیتا ویندا پئے جیندے نال نہ صرف زرعی شعبہ ترقی کریسی ٻھل کسان کوں ڳھٹ خرچ نال بجلی وی ملسی، زیر کاشت رقبہ ودھسی اتے درآمدی ایندھن سانڳے ارباں ڈالر بچسن اتے اساں لوکاں کوں بجلی دے بلاں اچ وݙا ریلیف وی ݙتے۔ وزیراعظم آکھیے جو پاکستان دی معیشت دی بحالی کیتے کئی کوڑے ڳھٹ بھرین۔ انہاں منتخب نمائنداں کوں آکھیے جو او اپݨے اپݨے حلقیاں اچ محنت کرن اتے لوکاں کوں ودھ سوکھ ݙیوݨ کیتے کردار ادا کرن۔ وزیراعظم، نائب وزیراعظم دی اڳواݨی اچ ہک کمیٹی وی ٻݨائی ڄیڑھی خیبر پختونخوا دے منتخب نمائنداں دے مسلے حل کرݨ کیتے سفارشات پیش کریسی۔

مضمون کا ماخذ : میگا ملینز کی پیشن گوئی

متعلقہ مضامین