ااسلام آباد۔15اپریل (اے پی پی) صدر مملکت آصف علی زرداری نال سپیکر قومی اسمبلی سردار ایاز صادق سنوار کوں پارلیمنٹ ہائوس اچ ملاقات کیتی۔ اے ملاقات نو منتخب رکن قومی اسمبلی آصفہ بھٹو دی قومی اسمبلی اجلاس اچ حلف برداری دے موقع تے تھئی۔ ایں موقع تے صدرمملکت اتے سپیکر وچال قانون سازی سودھے آپسی دلچسپی دے معاملیاں تے ڳالھ کیتی ڳئی۔ قومی اسمبلی سیکرٹریٹ موجب سپیکر قومی اسمبلی صدرمملکت کوں پارلیمان اچ تھیوݨ آلی قانون سازی اتے ایوان دی کاروائی بارے ݙسیا۔ ملاقات اچ ڈپٹی سپیکر قومی اسمبلی سید غلام مصطفیٰ شاہ، پیپلز پارٹی دے سینئر رہنما چوہدری قمر زماں کائرہ، رکن قومی اسمبلی فریال تالپور، وزیر اعلیٰ سندھ سید مراد علی اتے ٻئے موجود ہن۔