مشیر خزانہ ڈاکٹرعبدالحفیظ شیخ دی زیرصدارت کابینہ دی اقتصادی رابطہ کمیٹی دا اجلاس

اسلام آباد ۔ 13 مئی (اے پی پی) کابینہ دی اقتصادی رابطہ کمیٹی (ای سی سی ) زراعت کوں ترقی ڈیونڑ تے کساناں تے کاشت کاراں کوں معاونت ڈیونڑ دے سلسلے اچ کئی ارب روپے مالیت دے پیکیج دی منظوری ڈتی اے ، پیکج دے تحت کساناں کوںکھاد تے زرتلافی ڈتی ویسی ، زرعی قرضیں تے شرح سود گھٹ کیتی ویسی ، کاٹن سیڈز اتے سفید مکھی دے خاتمہ کیتے کیڑے مار دوائیاں دی خریداری تے مقامی طور تے تیار کیتے گئے ٹریکٹروں تے سیلز ٹیکس اچ سبسڈی ایں پیکیج دا حصہ اے ۔ اقتصادی رابطہ کمیٹی دااجلاس بدھ کوں اتھاں وزیراعظم دے مشیرخزانہ ومحصولات ڈاکٹرعبدالحفیظ شیخ دی زیرصدارت منعقد تھیا۔زرعی پیکج چھوٹے اتے درمیانے درجے دے کاروبار (ایس ایم ایز) اتے زرعی شعبہ کیتے کورونا وائرس دی وباءدے اثرات نال نبڑنڑ کیتے وزیراعظم دے 1200 ارب روپے توں ودھ مالیت دے امدادی پیکیج دا حصہ اے ۔وفاقی وزارت قومی غذائی تحفظ وتحقیق 56.6 ارب روپے مالیت دے زرعی پیکج دی تجویز ڈتی ہئی تاں جو اقتصادی رابطہ کمیٹی وزارت کوں ہدایت کیتی جو ایں پیکیج کوں چھوٹے تے درمیانے درجے دے کاروبار تے زرعی شعبہ کیتے کورونا وائرس دی وباءدے اثرات نال نبڑنڑ کیتے وزیراعظم دے 1200 ارب روپے توں ودھ مالیت دے امدادی پیکیج دے مطابق معقول بنڑایا ونجے ۔35 اکھ لوکاں کوں پری پیڈ بجلی دی سہولت ڈتی ویندی پئی اے ۔کساناں کوں کھاداں تے 37 ارب روپے دی سبسڈی ڈتی ویسی ۔ایندے اچ ڈی اے پی اتے فاسفیٹ کھاداں دی فی بوری تے 925 روپے اتے یوریا ونائٹروجن کھاداں تے فی بوری 243 روپے دی زرتلافی ڈتی ویسی ۔صوبے عمل درآمد کریسن،۔اقتصادی رابطہ کمیٹی 12.5 ایکڑ رکھنڑ آلے کاشت کاراں تئیں رسائی ودھاونڑ کیتے زیڈ ٹی بی ایل دے نال نال بیاں بنکاں کوں شامل کرنڑ دی ضرورت تے زور ڈت ۔اقتصادی رابطہ کمیٹی تخفیف غربت وسماجی تحفظ ڈویژن ولوں لائن آف کنٹرول دے نیڑے رہنڑ آلی آبادی کیتے خصوصی ریلیف پیکج دے ضمن اچ یکم جنوری 2020ءتوں گھن تے 30 جون 2020ءتئیں ماہانہ 12000 روپے دی تجویز دی منظوری ڈتی ۔اجلاس اچ وزارت دفاع دی تجویز تے پی او ایل، یوٹیلیٹیز و میڈیکل سٹوراں دے خرچے کیتے 16.6 ارب روپے دی تکنیکی ضمنی گرانٹ دی منظوری ڈتی ۔ وزارت خزانہ دی تجویز تے پاکستان مشین ٹول فیکٹری دے ملازماں کیتے اکتوبر 2019ءتوں گھن تے جون 2020 تئیں مدت کیتے تنخواہیں دی ادائیگی کیتے 288 ملین روپے دی گرانٹ دی منظوری ڈتی اے۔

مضمون کا ماخذ : números dupla sena

متعلقہ مضامین