ډېره غازي خان 31 مارچ (اے پي پي) وزيراعظم شاهد خاقان عباسي وئيلي دي چې د پاكستان باشعوره اولس به په ټولټاكنو كښې د مسلم ليګ ﴿ن﴾ ملګرتيا وكړي٬ په هېواد كښې چې چرته هم پرمختيائي كارونه شوي دي٬ كرېډټ ئې مسلم ليګ ﴿ن﴾ ته ځي٬ د اولسي باور په نتيجه كښې د هېواد پرمختګ ممكن دے٬ هيله لرو چې اولس به په جولائي كښې غوره پرېكړه وكړي او د رغونې او پرمختګ دا سفر به روان وي٬ د كنځلو كوونكو نه د خېر توقع مه لرئ٬ زمونږ په دور كښې د ګاز كوم يو كنكشن هم په سياسي بنيادونو نه دې وركړې شوې۔ ووټ اخستلو سره سناتور يا د سېنېټ چيئرمېن جوړېدونكي به باشعور خلق قبول نه كړي٬ كه دا بده خبره نه ده نو بيا به د اولس د ضمير او ووټو سودا كوونكي د اولس استازي وي۔ ده دا خبرې د خالي په ورځ په ډېره غازي خان كښې د ناردرن بائي پاس او د ركھي بېواټه سېكشن ون د دوه بېلا بېلو پروژو پرانستې په موقع دستور?? ته په خپله وېنا كښې وكړې۔ په دې موقع وفاقي وزير حافظ عبدالكريم٬ اوېس احمد خان لغاري او ارشد لغاري٬ ماروي مېمن٬ جعفر خان لغاري٬ ملك ابرار٬ د پنجاب اسمبلې دوهم سپيكر شېر علي ګورچاني او نور خلق په لويه شمېره موجود وو۔ وزيراعظم ووئيل چې ډېره غازي خان ته په راتګ ډېر خوشحاله شوے يم٬ شل كال?? پس دلته راغلې يم٬ مسلم ليګ ﴿ن﴾ او نواز شريف سره ستاسو مينه ليدلو سره باور لرم چې د جولائي په ټولټاكنو كښې به يو ځل بيا مسلم ليګ ﴿ن﴾ بريالې كېږي او دې لپاره تاسو ټولو ته په ګډه هڅې كول دي۔ د مسلم ليګ ﴿ن﴾ او نواز شريف كارونه ستاسو په وړاندې دي٬ د ډي جي خان بائي پاس پشمول د دوه سړكونو پروژې د 18 اربه روپو د لګښت دي٬ د دې نه علاوه ګاز٬ سړكونه ٬ سكولونه او كالجونه جوړېږي٬ دا د تېر وخت حكومتونو هم كولې شول٬ وسيلې هم هغه دي٬ِ تاسو په پاكستان كښې چې كوم ځائ ته هم لاړ شئ٬ تاسو به د مسلم ليګ ﴿ن﴾ كارونه وينئ٬ِ كه كوم سياستدان د پاكستان مسئلو حل كولو لپاره كار كړے نو هغه نواز شريف دے۔ وزيراعظم ووئيل چې دهرنې وكړې شوې٬ په عدالتونو كښې راښكېل كړے شو٬ مونږ هر څه برداشت كړل خو خپل كار مو جاري وساتلو٬ مونږ ستاسو ووټ ته عزت وركړو٬ سياسي پرېكړې په پولنګ سټېشنو كولو ته پرېږدئ۔ د اولس پرېكړه كله هم غلطه نه وي۔ ده ووئيل چې د كال 2008م نه وړاندې په هېواد كښې امريت و او څوك د پوښتنې نه و٬ هغه غېر آئيني حكومت و٬ خو د كال 2008م د ټولټاكنو ن?? پس آصف علي زرداري اولس ته په لاس ورغلو٬ هغه چې د پاكستان اولس سره څه وكړل٬ هغه د ټولو په وړاندې دي۔ هم دا وجه وه چې د كال 2013م په ټولټاكنو كښې اولس هغه كور ته ولېږلو۔ ده ووئيل چې د كال 2013م په ټولټاكنو كښې نواز شريف اقتدار ته راغلو۔ په دې پنځو كلونو كښې پرمختيائي كار او كاركردګي د ټولو په وړاندې ده۔ د پنځلس كلونو خرابې په پنځو كلونو كښې نه لرې كېږي خو مونږ هڅه وكړه۔ د مسلم ليګ ﴿ن﴾ د كارونه د چا نه پټ نه دي۔ د برېښا٬ ګاز معاشي پرمختګ او د سي پېك پروژې وګورئ۔ آيا چين د كال 2013م نه وړاندې د پاكستان دوست نه وو٬ دا پروژه د روزګار او پرمختګ پروژه ده كومه به چې روانه وي۔ ده ووئيل چې كه اولس په جولائي كښې غوره پرېكړه وكړه نو د پرمختګ دا سفر به روان وي۔ وزيراعظم ووئيل چې مسلم ليګ ﴿ن﴾ به د كاركردګې په بنياد اولس ته ځي٬ مونږ د شرافت سياست ته وده وركړې٬ مونږ چا ته كنځلې نه دي كړې٬ په چا مو تور نه دې لګولې٬ِ چا كه د كاڼي ګزار كړے نو مونږ په ګلونو ځواب وركړے۔ وزيراعظم په دې موقع د سخي سرور پشمول نورو ټولو سيمو ته د ګاز وركولو اعلان وكړو۔ وزيراعظم ووئيل چې كوم خلق كنفرنسونه كوي٬ هغوي دې يو بيان وركړي چې دوي ووټونه نه اخستي٬ ماته وئيلې شي چې د وزيراعظم په چوكې د سېنېټ چيئرمېن په ضد بيان مه وركوئ٬ زه به د دې بدې چارې خاتمې لپاره تر وروستي حد ځم۔ ده ووئيل چې ټاكل شوي سناتوران دې سوګند پورته كړي چې دوي ووټونه نه دي اخستي۔ د سېنېټ چيئرم??ن دې سوګند پورته كړي چې ده د سناتورانو ووټ په پېسو نه دې اخيستې۔ وزيراعظم ووئيل چې مونږ چا سره جګړه كول نه غواړو خو دا بد كار د اولس په وړاندې كېښودل خپل فرض ګڼو۔ وزيراعظم ووئيل چې د جاپان مننه كوو چې د ډېره په دې پروژو كښې ئې مرسته وكړه۔ ده ووئيل چې نواز شريف دومره زياتې پروژې پېل كړې دي كه هره ورځ د يوې پروژې پرانسته وكړې شي نو بيا به هم پاتې شي۔ ده اولس ته خواست وكړو چې د پاكستان پرمختګ او د ووټ عزت لپاره دې د ﴿ن﴾ ليګ ملګرتيا وكړي۔
.jpg)
.jpg)
