ݙوہزار 17 دی سازش دے بے نقاب تھیوݨ آلے کردار یا تاں ٹکٹاں وچیندے پئن یا سہولت کاری کریندے پئن ،میاں جاوید لطیف

لاہور۔8مئی(اے پی پی) پاکستان مسلم لیگ (ن) دے سینئر رہنماو وفاقی وزیر میاں جاوید لطیف آکھیے 2017دی بے نقاب تھیوݨ آلی سازش افسوسناک اے،جیڑھے کردار بے نقاب تھیندے پئن یا تاں او ٹکٹاں وچیندے پئن یا سہولت کاری کریندے پئن ، سہولت کاری کرݨ آلے کرداراں کوں کھلا چھوڑ ݙتا ڳیا تاں مزید نقصان تھیسی ۔ او سنوار کوں اتھاں پارٹی آفس 80ایچ ماڈل ٹائون اچ پریس کانفرنس کریندے پئے ہن ۔میاں جاوید لطیف آکھیے پاکستان اچ تھیوݨ آلی سازشاں توں پاکستان مخالف قوتاں کوں فیدہ پڄایا ڳیا ، الزمات لاتے ونڄݨ تے ذمے واراں دا چپ رہݨ معنی خیز اے،قانون تے انصاف ݙتے بغیر قومی یکجہتی پیدا نی تھی سڳدی ،آڈیو لیکس تے نوٹس کیوں نی ڳھدا ویندا پیا ،پاکستان کوں کہیں وݙے حادثے توں بچاوݨ کیتے نظام دی خامیاں دا خاتمہ کرݨا ہوسی ،پارلیمانی کمیٹی آڈیو لیکس تے ثاقب نثار دے پتر کوں سݙے ،طاقتور سازشیاں کوں سزا ݙیوݨ نال ہی انصاف دا بول بالا تھیسی،پارلیمانی کمیٹی ایں ڳالھ دا تعین کرے جو کیڑھے لوکاں دا کیا کیا کردار ہئی ،جیڑھی سہولت عمران خان کوں ملدی پئی اے او کچے دے ڈاکوواں کوں وی ملݨی چاہیدی اے ،پاکستان دے مالی خسارے دا ذمہ دار 2017 آلا سازشی ٹولہ اے ۔انہاں آکھیے محمد نواز شریف کوں انصاف ملݨا چاہیدے، انتخاب توں بھڄݨ آلے کائنی ، او سمجھدن جو سہولت کاری کریندے رہسوں تاں او محفوط رہسن ، کیا مذاکرات نواز شریف کوں انصاف ݙے سڳدے ،ملک کوں بچاوݨا اے تاں فل کورٹ ھک ہفتے اچ فیصلہ کرے ،اداریں اچ بیٹھے ہوئے لوکاں کوں آئین اتے قانون دا پابند کرݨا ہوسی،ریاستی اداریں تے چڑھائی کرݨ دی کہیں کوں اجازت نہ ݙتی ویسی ۔

مضمون کا ماخذ : میگا جیک پاٹس: کلیوپیٹرا

متعلقہ مضامین