یوم یکجہتی کشمیربھرپور انداز اچ منایا ویسی ، ترجمان دفتر خارجہ

اسلام آباد۔2فروری(اے پی پی) پاکستان آکھیے 5 فروری کوں یوم یکجہتی کشمیر ھک واری ول بھرپور طریقے نال منایا ویسی ، ہر سال وانڳوں اڄوکے سال وی پاکستانی قوم یوم یکجہتی کشمیر دے موقع تے آپݨے کشمیری بھراویں تے بھیݨاں دے حق خود ارادیت دے حصول کیتے انہاں دی منصفانہ جدوجہد اچ انہاں دے نال غیر متزلزل یکجہتی دا اظہار کریسی۔ دفتر خارجہ دی ترجمان ممتاز زہرا بلوچ خمیس کوں اتھاں پریس بریفنگ اچ آکھیے جو پاکستان اچ معاشرے دے سرے طبقے تے پوری دنیا اچ رہݨ آلے پاکستانی اتے کشمیری ایں ݙینھ کوں روایتی جوش تے جذبے نال منیسن ۔ ترجمان آکھیے اساں سمجھدوں جو خطے اچ پائیدار امن و سلامتی اتے ترقی دا انحصار جھیڑا جموں و کشمیر دے پرامن حل تے ہے۔ انہاں آکھیے اے ضروری اے کشمیری عوام اقوام متحدہ ولوں آزادانہ اتے غیر جانبدارانہ استصواب رائے نال اپݨا حق خودارادیت استعمال کریسن۔ انہاں آکھیے پاکستان اقوام متحدہ دی سلامتی کونسل دی قرارداداں موجب کشمیر دے جھیڑے دے منصفانہ تے پرامن حل کیتے آپݨے کشمیری بھراویں تے بھیݨاں دی ہر ممکن حمایت جاری رکھیسی۔

مضمون کا ماخذ : رومن دولت

متعلقہ مضامین