دستاویزات دی تصدیق کیتے قونصلر سروس آونڑ تے 3اپریل تئیں پابندی ، سند دی تصدیق کوریئر سروس دے ذریعے تھیسی ، دفتر خارجہ

اسلام آباد ۔ 17 مارچ (اے پی پی) کورونا وائرس دے ودھدے خطرے پاروں وزارت خارجہ مختلف دستاویزات دی تصدیق کیتے عوام تے قونصلر سروس آونڑ دا عمل روک ڈتے ۔ منگل کوں دفتر خارجہ توں جاری بیان دے مطابق قونصلر سروسز تے اے پابندی 18 مارچ توں 3 اپریل 2020 ءتئیں برقرار رہسی جیں دے بعد صورت حال دا ولا جائزہ گھن تے مستقبل دے حوالے نال اعلان کیتا ویسی تاں جو صرف ’پاورآف اٹارنی‘(مختار نامہ) دی تصدیق کراونڑ آلے لوکاں کوں رسائی دی اجازت بدستور رہسی ۔ عوام دی مشکلات کوں سامنڑے رکھیندے ہوئیں مختلف سنداں دی تصدیق تے توثیق دا عمل پاکستان پوسٹ ، جیریز، لیپرڈ اتے ٹی سی ایس کورئیر کمپنیاں دے ذریعے کیتا ویسی۔ عوام ایں طریقہ کار کوں اختیار کریندے ہوئیں اپنڑیاں دستاویزات وزارت خارجہ بھیج سگدن ۔ وزارت خارجہ کورونا دے حوالے نال سامنڑے آندی صورت حال اچ ہک خصوصی کوآرڈینیشن سیل وی قائم کرڈتے جیرھا جو اسپیشل سیکرٹری (ایڈمنسٹریشن) دی نگرانی اچ کم کریسی۔ اے سیل پاکستان اچ قائم سفارت خانیں تے باہرلے ملک قائم پاکستانی مشنز نال رابطے اچ رہسی ۔

مضمون کا ماخذ : bolão dupla sena

متعلقہ مضامین