سیاسی صورتحال 72 گھنٹے اچ واضح تھی ویسی، وزیراعظم عمران خان آزاد خارجہ پالیسی دی بنیاد رکھدے پین، وزیر داخلہ شیخ رشید دی پریس کانفرنس

اسلام آباد۔28مارچ(اے پی پی)وفاقی وزیر داخلہ شیخ رشید احمد آکھیے جو سیاسی صورتحال 72 گھنٹے اچ واضح تھی ویسی، وزیراعظم عمران خان آزاد خارجہ پالیسی دی بنیاد رکھدے پین، لوکاں کوں ضمیر فروش عوامی نمائنداں دا بائیکاٹ کرݨا چاہیدے، اپوزیشن دے جلسے اچ لوگ جے یو آئی دے اتے اداکار ن لیگ دے ہوسن، ایں مہینے عدم اعتماد دا فیصلہ تھی ویسی، اساں وزیر اعظم عمران خان نال ڳڄ وڄ تے کھڑے ہیں، کل دے جلسے وزیر اعظم دی وݙی مقبولیت ولا ثابت کر ݙتی اے۔ پریس کانفرنس اچ انہاں آکھیا جو جے یو آئی دے جلسے دا این او سی مک چکیے، اڄ صرف مسلم لیگ ن جلسہ کرݨا ہا جیندے جلسے پہلے ہی ݙھیلے ہین، انہاں دے اپݨے کارکن تاں ہین کائنا اے صرف مولویاں نال خطاب کرݨ آندے پن۔ انہاں آکھیا جو 30 توں 31 مارچ تئیں آر یا پار تھی ویسی اتے وزیراعظم عمران خان آخری گیند تئیں کھیݙسی، ہک ڳھنٹہ پہلے وی بازی پلٹیڄ سڳدی اے جو 172 بندے اپوزیشن پورے کرنݨ، ایندے بارے ہر کوئی اپݨا فیصلہ کر ڳھنسی۔ انہاں آکھیا جو لوک ہارس ٹریݙنگ دا حصہ ٻݨݨ آلیاں دا بائیکاٹ کرن، ہارس ٹریڈنگ اتے ضمیر ویچݨ دی سیاست نال جمہوریت کوں نقصان پڄدا پئے، ساݙا جلسہ ٻہوں وݙا ہا ٻھل بلاول دی ریلی توں ودھ تاں ساݙی سکیورٹی ہئی، ایں جلسے توں بعد لوکاں دیاں اکھیں کھلݨیاں چاہیدن، ہݨ بھٹو دی نئیں زرداری دی سیاست اے جیڑھے وݙے شاطر اتے پلانر ہین، منݙیاں لائی ٻیٹھن، اے گینگ آف تھری ہک ٻئے دے نال وی کائنی، جمہوریت اچ لوک وکدے ودن تہوں سندھ اچ گورنر راج لاوݨ دا آکھیا ہم، بھل کمزور جمہوریت وی ملک دے مفاد اچ ہوسی۔

مضمون کا ماخذ : مایا کا عروج

متعلقہ مضامین