وزیرِ اعظم دی پاکستان سٹاک ایکسچینج دے 100-انڈیکس اچ 90 ہزار پوائنٹس دی تاریخی سطح توں ودھݨ تے قوم کوں مبارک

اسلام آباد۔25اکتوبر(اے پی پی)وزیرِ اعظم محمد شہباز شریف پاکستان سٹاک ایکسچینج دے 100-انڈیکس اچ 90 ہزار پوائنٹس دی تاریخی سطح توں ودھݨ تے قوم کوں مبارک ݙیندے آکھیے جو سٹاک مارکیٹ اچ مارچ 2024 توں ہݨ تئیں 36 فیصد ودھارا، مہنگائی اچ کمی اتے مجموعی معاشی استحکام دا سہرا معاشی ٹیم دو ویندے، بجلی صارفین کوں ریلیف کیتے آئی پی پیز نال معاہدیاں تے نظر ثانی شروع اے، کڄھ ݙینھ اچ معیشت دی بہتری دیاں ٻیاں خوشخبریاں ملسن۔ وزیراعظم آکھیا جو مارچ 2024 توں سٹاک مارکیٹ اچ بتدریج اضافہ سرمایہ کاراں دے حکومتی پالیسیاں تے اعتماد دا نتیجہ اے جو 14 سال بعد پاکستان دی سٹاک مارکیٹ اچ اینڄھا تیز اضافہ معاشی ٹیم دی انتھک محنت نال ممکن تھئے، مہنگائی دی شرح 38 فیصد توں 6.9 فیصد تے آگئی اے، پچھلی سہ ماہی اچ بیرونِ ملک مقیم پاکستانیاں دیاں ترسیلاتِ زر ریکارڈ 8.8 ارب ڈالر تے پڄ ڳن، مسلسل ݙو مہینے توں کرنٹ اکاؤنٹ سرپلس اچ اے، آئی ایم ایف کولو 7 ارب ڈالر دی لانگ ٹرم فیسیلٹی معیشت اچ ٻئی چنڳائی ڳھن آسی، پاکستان کوں ݙیوالہ تھیوݨ دی کندھی تے پچاوݨ آلیاں دے خواب مٹی تھی ڳن، عودہ کیتا ہم جو لکھاں قربانیاں نال ڳھدے ایں ملک کوں مجرمانہ غفلت ورتݨ آلیاں دی نا اہلی وات نا تھیوݨ ݙیساں، اساں سیاست قربان کر تے ریاست بچائی اے، اڄ پاکستان اچ ہر محاذ تے بہتری آئی اے۔ وزیرِاعظم امید کیتی جو کڄھ ݙینھ اچ معیشت دی بہتری بارے ودھ خوشخبریاں ملسن۔

مضمون کا ماخذ : لاٹری جیتنے کے طریقے

متعلقہ مضامین