چیئرمین سینیٹ سید یوسف رضا گیلانی دی لندن اچ برطانوی وزیر مملکت برائے جنوبی ایشیا ہمیش فالکنر نال ملاقات، آپسی دلچسپی دے معاملیاں تے ڳالھ مہاڑ کیتی

لندن۔1اگست (اے پی پی) چیئرمین سینیٹ سید یوسف رضا گیلانی لندن اچ فارن، کامن ویلتھ اینڈ ڈویلپمنٹ آفس (ایف سی ڈی او) اچ برطانیہ دے ممبر پارلیمنٹ تے وزیر مملکت برائے جنوبی ایشیا ہمیش فالکنرنال ملاقات کیتی، ایں موقع تے پاکستان دے ہائی کمشنر ڈاکٹر محمد فیصل وی موجود ہن۔سینیٹ سیکرٹریٹ توں جاری بیان موجب چیئرمین سینیٹ ہمیش فالکنر کوں بطور وزیر تقرری تے مبارخ ݙتی۔ چیئرمین سینیٹ ݙوہیں ملکاں دے فیدے کوں اڳوں ودھاوݨ کیتے ہک مضبوط سانجھے داری دی اہمیت تے زور ݙتا۔ چیئرمین سینیٹ امید کیتی جو پاکستان اتے برطانیہ وچال قریبی تعلقات سٹریٹجک پارٹنرشپ اچ بدل ویسن۔ چیئرمین سینیٹ غزہ دی سنگین انسانی صورتحال تے تشویش کیتی۔ برطانوی وزیر مملکت ہمیش فالکنر ایف سی ڈی او دے دورے تے چیئرمین سینیٹ دا شکریہ ادا کریندیں ہوئیں تجارت اتے سرمایہ کاری، موسمیاتی تبدیلی، تعلیم اتے سماجی و اقتصادی ترقی سودھے مختلف شعبیاں اچ تعاون ودھاوݨ دی اہمیت کوں اجاگر کریندیں ہوئیں پاکستان اتے برطانیہ دی سانجھی داری کوں ودھاوݨ کیتے پاکستان دی حکومت نال رَل تے کم کرݨ دی خواہش کیتی۔

مضمون کا ماخذ : میگا ملینز کا جیک پاٹ

متعلقہ مضامین