تنازعیاں دے پر امن حل تے یقین رکھیندوں، ریکوڈک منصوبہ ٻہوں اہمیت رکھیندے، پاکستان اچ چھی ٹریلین ڈالر دے معدنی ذخائر ہن، ایس آئی ایف سی پاکستان دی ترقی دا بہترین ماڈل اے، وزیراعظم دا خطاب

اسلام آباد۔1اگست (اے پی پی) وزیراعظم محمد شہباز شریف آکھیا جو جنگ کہیں مسئلے دا حل نی، تنازعیاں دے پر امن حل تے یقین رکھیندوں، ریکوڈک منصوبہ ٻہوں اہمیت رکھیندے، پاکستان اچ چھی ٹریلین ڈالر دے معدنی ذخائر ہن، ایس آئی ایف سی پاکستان دی ترقی دا بہترین ماڈل اے۔ 75 سالیں اچ اساں آپݨی قیمتی دولت تے توجہ نی ݙتی، کرپشن وی ایں شعبے دی ترقی اچ وݙی رکاوٹ اے۔ ماضی اچ نیب کاروباری لوکاں کوں ہراساں کیتا پر کرپٹ لوکاں دی کرپشن کوں نظرانداز کیتا۔ اے ڳالھیں انہاں منگل کوں پاکستان منرل سمنٹ (ڈسٹ ٹو ڈویلپمنٹ) دے افتتاحی سیشن توں خطاب کریندیں ہوئیں آکھی۔ وزیراعظم آکھیا جو اڄ اساں کیتے اہم ݙینھ اے، اتھ مختلف شعبہ زندگی توں تعلق رکھݨ آلے سرمایہ کار اتے ٻے لوک موجود ہن۔ ریکوڈک منصوبہ ٻہوں اہمیت رکھیندے، پاکستان اچ چھی ٹریلین ڈالر دے معدنی ذخائر ہن، ایس آئی ایف سی پاکستان دی ترقی دا بہترین ماڈل اے۔انہاں آکھیا جو ریکو ڈک اچ پاکستان تے 10 ارب ڈالر دا جرمانہ لاتا ڳئیا۔ اگر اے جرمانہ اساں ݙیندے تاں اساݙا سارا زرمبادلہ ایں تے خرچ تھی ویندا۔ تھر اچ کوئلے دے دنیا دے ساریاں توں وݙے ذخائر ہن۔ اڄ تھر دے کوئلے نال شروع تھیوݨ آلے منصوبیاں توں اساں فائدہ چیندے پیوں۔ وزیراعظم آکھیا جو انہاں دی حکومت دی مدت ایں مہینے دے ادھ تئیں مکدی پئی اے۔ چین نال سی پیک دے ݙوجھے مرحلے اچ ویندے پیوں۔ امریکا نال اساݙا اعتماد اتے احترام دا تعلق اے۔ اساں آپݨے ہمسایاں نال وی کہیں قسم دا اختلاف کائنی۔ انہاں نال ڳالھ کرݨ کیتے تیار ہیسے۔ تنازعیاں دے پر امن حل تے یقین رکھیندوں، ریکوڈک منصوبہ ٻہوں اہمیت رکھیندے، پاکستان اچ چھی ٹریلین ڈالر دے معدنی ذخائر ہن، ایس آئی ایف سی پاکستان دی ترقی دا بہترین ماڈل اے۔

مضمون کا ماخذ : گرم سے زیادہ گرم

متعلقہ مضامین