وزیراعظم محمد شہباز شریف دی شنگھائی تعاون تنظیم دے سربراہان مملکت کونسل اجلاس اچ آن لائن شرکت

APP27-040723 ISLAMABAD: July 04 - Prime Minister Muhammad Shehbaz Sharif signing Joint Declaration and other documents adopted at the conclusion of the 23rd Shanghai Cooperation Organisation (SCO) Summit held virtually. APP/TZD

اسلام آباد۔4جولائی(اے پی پی):وزیراعظم محمد شہباز شریف شنگھائی تعاون تنظیم (ایس سی او )دے سربراہان مملکت کونسل دے 23ویں اجلاس اچ آن لائن شرکت کیتی۔ اجلاس اچ 14 اہم فیصلاں/دستاویزات دی منظوری ݙتی گئی جیندے اچ دہشتگردی، انتہا پسندی اتے علیحدگی پسندی آلی بنیاد پرستی مکاوݨ دی حکمت عملی، ڈیجیٹل تبدیلی اچ تعاون، ایس سی او دی اقتصادی ترقی دی حکمت عملی تے ݙو مشترکہ بیانات وی منظور کتیے ڳن۔ سربراہان مملکت کونسل شنگھائی تعاون تنظیم اچ ایران دے مکمل رکن دی حیثیت نال رلݨ تے خیر مقدم کیتے اتے آندے اجلاس اچ بیلاروس کوں مکمل رکنیت ݙیوݨ دا فیصلہ کیتے۔ ایس سی او دے رکن ممالک دے سربراہان سودھا مبصر ممالک ایران، بیلاروس اتے منگولیا دے صدور دے نال نال ترکمانستان دے صدر اتے بین الاقوامی تنظیماں دے سربراہان اجلاس اچ شرکت کیتی۔ سربراہی اجلاس نال خطاب اچ وزیراعظم محمد شہباز شریف شنگھائی تعاون تنظیم دے منشور دے اصولاں اتے مقاصد کیتے پاکستان دا عزم دوہرائے اتے امن، خوشحالی و مشترکہ ترقی تے توجہ سانڳے علاقائی تنظیم ایس سی او کیتے پاکستان دے تعاون دا ݙسایا۔ وزیراعظم اعلان کیتے جو پاکستان 2023 دی چھیکڑی سہ ماہی اچ علاقائی خوشحالی کیتے ٹرانسپورٹ روابط تے ایس سی او کانفرنس دی میزبانی کریسی۔ ایس سی او سربراہان مملکت کونسل دے 23ویں اجلاس اچ 14 اہم فیصلاں/دستاویزات دی منظوری ݙتی ڳئی جیندے اچ نئی دہلی اعلامیہ وی شامل اے جیندے اچ مشترکہ مفاد دے سٹرٹیجک و جغرافیائی سیاسی مسائل تے ایس سی او دے رکن ممالک دے اجتماعی موقف کوں واضح کیتا گئے۔

مضمون کا ماخذ : ایزٹیک گولڈ

متعلقہ مضامین