اسلام آباد۔10مئی(اے پی پی):وزیراعظم محمد شہباز شریف نال آذربائیجان دے ماحولیات و قدرتی وسائل دے وزیر مختار بابائیف وزیراعظم ہائوس اسلام آباد اچ ملین۔ آذری وزیر بابایوف وزیراعظم کوں آذربائیجان دے صدر الہام علییوف ولوں نومبر 2024 اچ باکو اچ تھیوݨ آلی اقوام متحدہ کانفرنس آف پارٹیز 29 (کوپ 29) اجلاس اچ شرکت دی دعوت ݙتی ڄیڑھی انہاں قبول کر ڳھدی۔ وزیراعظم شکریہ ادا کریندے آکھیے جو کوپ 29 موسمیاتی تبدیلی دے چیلنجاں تے غور اتے ایں مسلے نال نٻݨݨ کیتے اہم ثابت تھیسی، پاکستان کوپ 29 سانڳے آذربائیجان دی کامیابی کیتے پورا ہتھ ونݙیسی۔ انہاں آذربائیجان نا؛ ݙوطرفہ تجارت اتے سرمایہ کاری ودھاوݨ سانڳے عزم دوہریندے آکھیے جو ݙوہیں ملک رل مل تے کمریسن تاں جو موسمیاتی تبدیلی نال نمٹݨ کیتے سانڄھے اقدامات کیتے ونڄ سڳن۔