اسلام آباد۔16مئی(اے پی پی) قومی اسمبلی تحقیر مجلس شوریٰ پارلیمنٹ ٻل 2023 دی منظوری ݙے ݙتی اے جیں دے تحت پارلیمنٹ دی توہین دے مرتکب لوکاں کوں جرم ثابت تھیوݨ تے 6 مہینے دی سزا یا ھک کروڑ روپے جرمانہ لاتا ونڄ سڳدے۔ قائمہ کمیٹی قواعدو ضوابط دے چیئرمین رانا محمد قاسم نون ٻل تے کمیٹی دی رپورٹ پیش کیتی ۔ رانا محمد قاسم تحریک پیش کیتی جو تحقیر پارلیمنٹ قائمہ کمیٹی دی رپورٹ کردہ صورت اچ فی الفور زیر غور گھن آیا ونڄے ۔ وفاقی وزیر تعلیم رانا تنویر حسین دا آکھݨ ہئی جو وݙی دیر توں ایں ٻل دی لوڑھ ہئی سرکاری افسران تاں ارکان دے فون وی نی سݨدے ۔ ایں ایوان دی توقیر برقرار رہݨی چاہیدی اے۔ ایوان توں تحریک دی منظوری دے بعد سپیکر قومی اسمبلی راجہ پرویز اشرف ٻل دی ساریاں شقاں دی ایوان توں منظوری ڳھدی ۔ رانا محمد قاسم نون تحریک پیش کیتی تحقیر پارلیمنٹ ٻل 2023 منظور کیتا ونڄے ۔قومی اسمبلی ٻل دی منظوری ݙے ݙتی۔