اسلام آباد۔16فروری (اے پی پی) وزیراعظم محمدشہباز شریف آکھیا جو پاکستان دی حکومت اتے عوام ولوں اپݨے ترک بھراواں اتے ٻھیݨیں کوں یکجہتی اتے اخوت دا سنیھا ݙیوݨ ترکیہ وینداں پیاں۔ خمیس کوں اپݨے ٹویٹ اچ وزیراعظم آکھیا جو پاکستان اتے ترکیہ دی عوام بےشک ݙو انڄ انڄ ریاستاں دے شہری ہن پر ہک قوم وانڳ ہک جان ہک قالب ہن اتے انہاں دے نقصان کوں اساں اپݨا ضیان سمجھدوں۔ وزیراعظم آکھیا جو ترکیہ اتے شام اچ زلزلے پاروں تھیوݨ آلی تباہی نال کوئی حکومت کلھیں نی نبڑ سڳدی۔ کوئی وی ملک خواہ او کتنا وسائل توں مالا مال ہووے اتنے وݙے پیمانے تے تباہی نال نی لڑ سڳدا۔ انہاں آکھیا جو ویلھا آڳے جو دنیا انسانیت دی اوکھ اتے تکلیفاں دے حل کیتے تعاون ودھاوے۔