مظلوم کشمیریاں دی آواز کوں دنیا دی ہر کُنڈ اچ پڄاوݨ کیتے ٹھوس اتے مربوط معاون نظام وضع کرݨ دی لوڑھ اے، سیکرٹری اطلاعات شاہیرہ شاہد
APP08-050822
ISLAMABAD: August 05 – Secretary Ministery of Information & Broadcasting Shahera Shahid addresses during the Digital Photographic & Painting Exhibition (Youm-E- Istehsal Kashmir ) at Pak China Friendship Center. APP photo by Umar Qayyum
اسلام آباد۔5اگست (اے پی پی) وفاقی سیکرٹری اطلاعات تے نشریات شاہیرہ شاہد مظلوم کشمیریاں دی آواز کوں دنیا دی ہر کُنڈ اچ پڄاوݨ کیتے ٹھوس اتے مربوط معاون نظام وضع کرݨ دی لوڑھ اے۔ میڈیا کوں مظلوم کشمیریاں دی آواز بݨݨا چاہیدے اتے بھارت مقبوضہ جموں تے کشمیر اچ ظلم تے بربردیت دا جیڑھا بازار گرم کر رکھیے دنیا کوں ایں بارے ݙساوݨا چاہیدے۔ وزارت اطلاعات تے نشریات دی ذمہ واری اے جو او کشمیریاں دے سنیھے کوں ہر فورم تے پڄاوے۔ او جمعے کوں یوم استحصال دے ترائے سال پورے تھیوݨ تے ڈائریکٹوریٹ آف الیکٹرانک میڈیا اینڈ پبلیکیشنز ولوں پاک چائنہ سینٹر اچ ڈیجیٹل تصویری اتے فن پاریاں دی نمائش دے موقع تے تھیوݨ آلی تقریب توں خطاب کریندی پئی ہن۔ ڈی جی انفارمیشن سروس اکیڈمی،ایم ڈی اے پی پی اختر منیر،ایگزیکٹو ڈائریکٹر اے پی پی عدیلہ رباب کاظمی، ڈائریکٹوریٹ آف الیکٹرانک میڈیا اینڈ پبلیکیشنز دے ڈائریکٹر آصف الرحمن اتے ٻئے سینئر افسر وی ایں موقع تے موجود ہن۔ سیکرٹری اطلاعات تےنشریات شاہیرہ شاہد آکھیا جو بھارت مقبوضہ جموں تے کشمیر اچ نہتے اتے معصوم شہریاں تے کیتے ڳئے ظلم کوں لکاوݨ اتے کشمیریاں دی آواز کوں دباوݨ کیتے میڈیا تے پابندیاں لارکھین اتے سوشل میڈیا کوں وی بند کر رکھیے۔ ایں حال اچ پاکستان دے ذرائع ابلاغ اتے میڈیا تے زمہ واری اے جو او مظلوم کشمیریاں دی آواز بݨے۔ مظلوم کشمیریاں دی آواز کوں دنیا دی ہر کُنڈ اچ پڄاوݨ کیتے ٹھوس اتے مربوط معاون نظام وضع کرݨ دی لوڑھ اے۔تقریب اچ یوم استحصال بارے 5 اگست 2019 کوں ہندوستان ولوں مقبوضہ جموں تے کشمیر دی خصوصی حیثیت کوں بدلݨ کیتے آرٹیکل 35اے اتے 370 دے خاتمے دے بعد کشمیر اچ جاری بھارتی ظلم اتے کشمیر اچ میڈیا دی آزادی تے پابندیاں بارے دستاویزی فلماں پیش کیتی ڳئی۔
