امریکی عہدیدار دا پاکستان دی میزائل صلاحیتاں، ترسیلی ذرائع تے مبینہ چنتا افسوسناک اے، ترجمان وزارت خارجہ

اسلام آباد۔21دسمبر(اے پی پی)وزارت خارجہ دی ترجمان ممتاز زہرہ بلوچ آکھیے جو امریکی عہدیدار دا پاکستان دی میزائل صلاحیتاں، ترسیلی ذرائع تے مبینہ چنتا افسوسناک اے، اے الزامات بے بنیاد، معقولیت اتے تاریخ دے احساس توں ہٹ تے ہین۔ چھݨ چھݨ کوں ہک تھنک ٹینک اچ سینئر امریکی عہدیدار دے بیان تے ولدا ݙیندے انہاں آکھیا جو 1954ء توں پاکستان اتے امریکہ وچال مثبت اتے وسیع تر تعلقات رہین، ہک وݙے غیر نیٹو اتحادی دے خلاف امریکہ دے الزامات بالخصوص اوں ویلھے ڄݙاں کوئی ٹھوس ثبوت وی کائنا ہووے ساݙے مجموعی تعلقات کتیے چنڳان نئیٰں، پاکستان کݙاھین کہیں وی شکل اچ امریکہ بارے کوئی بدنیتی نئیں رکھی ٻھل ہتھو پاکستان ݙوطرفہ تعلقات کیتے وݙیاں قربانیاں ݙتن اتے خطے اچ امریکی پالیسیاں نال تھیوݨ آلے حملیاں کوں برقرار رکھں کیتے وݙا نقصان چاتے۔ ترجمان موجب اے افسوسناک اے جو امریکی عہدیدار پاکستان کوں انہاں لوکاں نال درجہ بندی کرݨ دا اشارہ کیتے ڄیڑھے امریکہ نال مخاصمانہ تعلقات اچ سمجھیے ویند، ساݙے مشرقی ہمسایہ ممالک اچ زیادہ طاقتور میزائل صلاحیت دے مظاہر نظرانداز کرݨ اتے انہاں دی حفاظت کرݨ دے نال نال خطے اچ پہلے توں ہی نازک تزویراتی استحکام ٻیا ودھاوݨ کیتے بظاہر ݙوڄھیاں دی تݙ تے پاکستانی صلاحیتاں تے چنتا کیتا ویندا پئے۔ ترجمان واضح کیتے جو پاکستان دی اسٹریٹجک صلاحیتاں دا مقصد اپݨی خودمختاری دا دفاع اتے جنوبی ایشیا اچ امن و استحکام برقرار رکھݨ اے، پاکستان اپݨے ایں حق توں پچھو نئیں ہٹ سڳدا ڄیڑھا ڳھٹ توں ڳھٹ ڈیٹرنس دے نال نال ابھردے اتے متحرک خطرات برقرار رکھݨ دی لوڑھ دے مطابق ہوون، سال 2012 توں ڄݙاں امریکی حکام ایں معاملے تے الاوݨ شروع کیتے، پاکستان دیاں مختلف حکومتاں، قیادت اتے حکام ہر ویلھے کوشش کیتی اے جو امریکا دا غلط چنتا مثبت انداز اچ دور کیتا ونڄے۔ پاکستان اے وی واڄح کیتے جو ساݙا اسٹریٹجک پروگرام اتے اتحادی صلاحیتاں صرف اپݨے ہمسایہ ممالک توں ہک واضح وجودی خطرے کوں روکݨ اتے ناکام ٻݨاوݨ کیتے ہین، ڄیکوں کہیں ٻئے ملک کیتے خطرہ نئیں سمڄھݨا چاہیدا، تہوں امریکہ سودھا کہیں وی ٻئے ملک دا پاکستان ولوں دشمنانہ عزائم دا کوئی وی غیر منطقی مفروضہ پریشان کن اتے غیر منطقی اے۔ ترجمان آکھیا جو پاکستان دے عوام اتے ملک دے دفاع کیتے اسٹریٹجک پروگرام دے ڳھاٹے تقدس پاروں ایندے ارادے اتے مقصد دا واضح اعادہ کہیں وی شکل یا طریقے نال، کہیں وی بہانے ایندے اچ دخل اندازی دی کوئی وی کوشش ناں قابل غور اے اتے نا ہی ممکن اے، ملک دے سارے سیاسی و سماجی حلقیاں اچ ایں معاملے تے غیر متزلزل عزم اتے مکمل اتفاق رائے پاتا ویند۔

مضمون کا ماخذ : loteria do Paraná

متعلقہ مضامین