لاہور۔23اگست(اے پی پی)وزیراعلیٰ پنجاب مریم نواز دی ہدایت تے کچے دے خطرناک ڈاکواں دے سر دا ملھ رکھ ݙتا ڳئے۔ خطرناک ترین ڈاکواں دے سر دی قیمت ہک کروڑ روپے، ݙوڄھے درجے دے خطرناک ڈاکواں دے سر دی قیمت 50 لکھ روپے، تریڄھے درجے دے ڈاکواں دے سر دی قیمت 25 لکھ روپے رکھی ڳئی اے۔ وزیراعلیٰ پنجاب سیکرٹری داخلہ پنجاب کوں نوٹیفیکیشن جاری کرݨ دی ہدایت کیتی اے۔ ٻئے پاسو سیکرٹری داخلہ پنجاب نور الامین مینگل آکھیے جو کچے دے ڈاکواں کوں کیفر کردار تئیں پچاوݨ کیتے آپریشن جاری رہسی، سی ٹی ڈی اتے پولیس دے دستے کچے اچ تھیوݨ آلے آپریشن اچ حصہ ڳھنسن اتے ریاست دی رٹ قائم کیتی ویسی۔ سیکرٹری داخلہ پولیس حکام نال کچے دے علاقے اچ جائے وقوعہ دا دورہ وی کیتے اتے آڳو تے دی حکمت عملی سانڳے اجلاس دی صدارت کیتی۔