نگراں وزیراعظم انوار الحق کاکڑ پاکستان دے 8ویں نگراں وزیر اعظم دے طور تے اپݨے عہدے دا حلف چا ڳھدا

اسلام آباد۔14اگست(اے پی پی):نگراں وزیراعظم انوار الحق کاکڑ 14 اگست 2023 ء کوں پاکستان دے 8ویں نگراں وزیر اعظم دے طور تے آپݨے عہدے دا حلف چا ڳھدے ۔ او مارچ 2018 ء توں مارچ 2024 ء تئیں صوبہ بلوچستان توں آزاد حیثیت نال سینیٹر منتخب تھئے ۔بلوچستان عوامی پارٹی (بی اے پی)دے بانی رکن اتے 2018 ء اچ پارٹی دے مرکزی ترجمان مقرر تھئے۔ سینیٹر دی حیثیت نال خدمات انجام ݙیوݨ ویلھے او سینیٹ دی قائمہ کمیٹی سمندر پار پاکستانیاں و انسانی وسائل دی ترقی دے چیئرمین تے قائمہ کمیٹی خزانہ و ریونیو، خارجہ اموراتے سائنس تے ٹیکنالوجی اتے بزنس ایڈوائزری کمیٹی دے رکن دے طور تے فرائض سرانجام ݙیندے رہیے ، ایں توں پہلے او دسمبر 2015 ء توں جنوری 2018 ء تئیں حکومت بلوچستان دے ترجمان رہیے۔ پاکستان بالخصوص صوبہ بلوچستان کوں پیش آندے مسئلیں بارے گہری بصیرت رکھݨ آلے ھک دانشور دے طور تے انوارالحق کاکڑ قومی اتے بین الاقوامی سطح تے تعلیمی اتے پالیسی سازی دے پلیٹ فارمز تے اپݨا نقطہ نظر پیش کریندے رہیے ۔ انہاں اچ پاکستان دی اعلی درجے دی یونیورسٹیاں دے طلباء اتے فیکلٹی ممبران نال ڳالھ مہاڑ ملک دے پالیسی سازاں نال سیشنز، ملک دی سیاسی اتے عسکری اشرافیہ کوں بریفنگ، اسلام آباد اچ مقیم اہم ڈپلومیٹک کور نال بلوچستان دے بیانیے دی تعمیر بارے سیشن شامل ہن ۔ قومی سطح تے نشر تھیوݨ آلے سیاسی ٹاک شوزاچ نمائندگی دی نمایاں تعداد اے۔او 1971 ء اچ ڄمیے ، انہاں دا تعلق مسلم باغ، قلعہ سیف اللہ ضلع بلوچستان توں ہے۔انوار الحق کاکڑ بلوچستان یونیورسٹی توں پولیٹیکل سائنس اتے سوشیالوجی اچ ماسٹرز دی ڈگری ڳھدی او نیشنل ڈیفنس یونیورسٹی اسلام آباد توں باوقار نیشنل سکیورٹی ورکشاپ دے سابق طالب علم ہن۔ او وائس آف بلوچستان دے سرپرست اعلی وی ہن۔انوارالحق کاکڑ انگریزی، اُردو، فارسی، پشتو، بلوچی اتے براہوی زباناں تے عبور رکھیندن ۔

مضمون کا ماخذ : کڑک

متعلقہ مضامین