ملکی تاریخ اچ پہلی واری غریب عوام کیتے مضان اچ مفت اٹے دی فراہمی دا پیکج تیارکیتا ڳئے ، مفت اٹے دی ونڈ شفاف طریقے نال یقینی بݨائی ونڄے، وزیراعظم محمد شہباز شریف

لاہور۔13مارچ(اے پی پی) وزیراعظم محمد شہباز شریف آکھیے ملکی تاریخ اچ پہلی واری غریب عوام کیتے مضان اچ مفت اٹے دی فراہمی دا پیکج تیارکیتا ڳئے ، مفت اٹے دی ونڈ شفاف طریقے نال یقینی بݨائی ونڄے ،رمضان اچ پورے پنجاب دے ھک کروڑ 58 لکھ گھراݨیں کوں مفت اٹا ونڈیا ویسی ،اٹے دی فراہمی دے دوران چوری روکݨ کیتے جدید ٹیکنالوجی دا استعمال کیتا ونڄے ۔سنوار کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف دی صدارت اچ رمضان پیکج دے تحت مفت اٹے دی فراہمی تے جائزہ اجلاس منعقد تھیا ۔ اجلاس اچ حکومت پنجاب دی طرفوں رمضان اچ مفت اٹے دی تقسیم دے پروگرام تے تفصیلی بریفنگ ݙتی ڳئی ۔ اجلاس اچ نگران وزیراعلیٰ پنجاب سید محسن رضا نقوی، مشیر وزیراعظم احمد چیمہ اتے متعلقہ اعلیٰ حکام شرکت کیتی ۔ انہاں آکھیے مفت اٹے دے معیار تے کہیں قسم دا سمجھوتہ قبول کائنی ، مفت اٹا سکیم اچ اپݨی اہلیت ایس ایم ایس دے ذریعہ جانچی ونڄ سڳسی ۔ انہاں آکھیے وفاقی حکومت ٻئے صوبیں کوں وی ایں پروگرام اچ معاونت فراہم کریسی ۔وزیراعظم آکھیے مفت اٹے دی تقسیم 25 شعبان توں 25 رمضان تئیں کیتی ویسی ۔ انہاں ہدایت کیتی جو اٹے دی ونڈ 8 ہزار 5 سو یوٹیلٹی سٹورز دے ذریعے کیتی ویسی ، عوامی سہولتاں کیتے اٹے دی ونڈ دے مزید 20 ہزار پوائنٹس بݨائے ونڄن۔

مضمون کا ماخذ : فنکی پھل

متعلقہ مضامین