قومی اقتصادی سروے پیش،شرح نمو 5.97 تے مہانگ 11.3 فیصد ریکارڈ، تجارتی خسارہ 45 ارب ڈالر تئیں پڄڈا پئے، زراعت، صنعت، درآمدات برآمدات ودھوتری ݙکھائی اے
APP27-090622
ISLAMABAD: June 09 - Minister for Finance Miftah Ismail, Minister for Planning Development and Reform Ahsan Iqbal and Federal Minister for Power Khurram Dastgir Khan launching Pakistan Economic Survey 2021-22 at P-Block Auditorium. APP photo by Irfan Mehmood
اسلام آباد۔9جون(اے پی پی)قومی اقتصادی سروے پیش کرݙت?? ڳئے جیندے مطابق معاشی ترقی دی شرح 5 اعشاریہ 97، مہنگائی 11 اعشاریہ 3 فیصد رہی اے، صنعتی شعبے دی کارکردگی 7 اعشاریہ 8 فیصد ودھی اے، تعمیراتی شعبہ اچ شرح نمو 3 اعشاریہ 1 اتے زراعت اچ 4 اعشاریہ 4 فیصد ریکارڈ تھئی ڄݙاں جو تجارتی خسارہ 45 ارب ڈالر تئیں پڄ ڳئے۔ وزارت خزانہ ہک تقریب اچ اقتصادی سروے 2021-22 دے حقائق جاری کیتن۔ وفاقی وزیر خزانہ مفتاح اسماعیل مالی سال22-2021 دی اقتصادی جائزہ رپورٹ پیش کریندے آکھیے جو معاشی ترقی دی شرح 5.97 فیصد اے، برآمدات درآمدات ودھن، ٹیکسٹائل تر??ی کیتی اے، ٻھل تجارتی خسارہ 45 ارب ڈالر تئیں پڄدا پئے۔ انہاں آکھیے جو اقتصادی سروے دے مطابق جولائی توں مارچ 2017-2018 اچ شرح نمو 6.10 فیصد ہئی، جولائی توں مارچ 2021-22 اچ شرح نمو 5.97 فیصد رہی، جولائی توں مارچ 2017-18 اچ مہنگائی دی شرح 4.6 فیصد رھی، جولائی توں مارچ 2021-22 اچ مہنگائی دی شرح 10.8 فیصد رہی، مئی 2018 اچ شرح سود 6.5 فیصد ہئی جیڑھی اپریل 2022 اچ ودھ تے 12.25 فیصد ??ھی گئی۔ اقتصادی سروے موجب ملک اچ مال مویشی ٻھیݙ، منڄھ، ڳݙھاں، بکریاں دی تعداد ودھی اے ڄݙآں جو اٹھ گھوڑے اتے خچر دی تعداد نئیں ودھی۔ مویشیاں دی تعداد ودھ تے 5 کروڑ 34 لکھ ??ھی گئی اے۔ سروے رپورٹ موجب سالانہ بنیاداں تے کپاہ دی پیداوار اتے پیداواری علاقے اچ کمی تھئی اے، ٻاڄھری دی پیداوار وی ڳھٹی اے۔ ہک سال اچ ہسپتال اتے ڈسپنسریاں دی تعداد ڳھٹی اے ٻھل ٹی بی سنٹرز اتے بنیادی مراکز صحت سودھا زچہ بچہ مراکز صحت دی تعداد وی ودھی اے۔ ݙسای?? ڳئے جو امٻ اتے خرماݨی دی برآمد ودھی اے، سیب اتے سرکہ دی برآمد ڳھٹی اے ڄݙاں جو بدام، انگور اتے امردو دی برآمد اچ کوئی ڳھاٹا وادھا نئیں تھیا۔ ݙسای?? ڳئے جو گذریل مالی سال فی کس آمدنی 1798 ڈالر، زراعت دے شعبہ دی شرح نمو 4.4 فیصد، صنعتی شعبہ دی نمو 7.2 فیصد، تعمیراتی شعبہ دی نمو 3.1 فیصد، خدمات دے شعبہ دی نمو 6.2 فیصد، وݙیاں صنعتاں دی شرح نمو 0.4 فیصد، ایف بی آر محصولات کی وصولی 28.4 فیصد ودھارے نال 5348 ارب روپے، مالیاتی خسارہ 2565 ارب روپے، مہنگائی دی شرح 11.3 فیصد، برآمدات 27.8 فیصد ودھارے نال 26 ارب 80 کروڑ ڈالر، درآمدات 59.8 ارب ڈالر، تجارتی خسارہ 49.6 فیصد ودھارے نال 32.9 ارب ڈالر، کرنٹ اکائونٹ خسارہ 13.8 ارب ڈالر، آئی ٹی برآمدات 29.26 فیصد دی شرح نمو نال ہک ارب 94 کروڑ 80 لکھ ڈالر، ترسیلات زر 7.6 فیصد ودھارے نال 26 ارب 10 کروڑ، زرمبادلہ دے ذخائر 16.4 ارب ڈالر رہین، براہ راست سرمایہ کار?? 1.6 فیصد کمی نال 1455.6 ارب ڈالر ریکارڈ کیتی گئی، ایں سال مارچ دے چھیکڑ تئیں کل سرکاری قرضہ 44 ہزار 366 ارب روپے تئیں پڄ ڳئے، احساس کفالت پروگرام دے تحت مستحق ٹبراں دی تعداد 80 لکھ تئیں ودھا گئی۔
