سمندری طوفان بائپر جوائے مسلسل اڳوں ودھدے ہوئیں خمیس کوں سندھ دے جنوب مشرقی ساحلی علاقہ کیٹی بندر نال ٹکریسی، وفاقی وزیر سینیٹر شیری رحمان

اسلام آباد۔14جون (اے پی پی) سمندری طوفان بائپر جوائے مسلسل اڳوں ودھدے ہوئیں خمیس کوں سندھ دے جنوب مشرقی ساحلی علاقہ کیٹی بندر نال ٹکریسی۔ کراچی کوں طوفان توں براہ راست خطرہ کائنی جڈانجو تکھی ہوائیں اتے مینہ دی صورت اچ اوندے اثرات شہر تے پوسن۔ طوفان دے خطرے دے علاقیاں توں لوکاں کوں کݙھیا ڳے اتے انہاں کوں محفوظ ڄاہ تے پجایا ڳے۔ سارے متعلقہ ادارے الرٹ اتے صورتحال نال نبڑݨ کیتے تیار ہن۔ عوام کوں کہیں وی قسم دی افراتفری توں اجتناب کرݨ اتے احتیاط کرݨ دا مشورہ ݙتا ڳے۔ وفاقی وزیر برائے موسمیاتی تبدیلی تے ماحولیاتی رابطہ سینیٹر شیری رحمان اتے نیشنل ڈیزاسٹر مینجمنٹ اتھارٹی دے چیئرمین لیفٹیننٹ جنرل انعام حیدر ملک بدھ کوں سمندری طوفان بائپر جوائے دی صورتحال اتے اوندے نال نبڑݨ بارے کیتے ڳے اقدامات بارے جائزہ اجلاس دے بعد میڈیا کوں بریفنگ ݙتی۔ انہاں آکھیا جو سمندری طوفان بائپر جوائے مسلسل اڳوں ودھدے ہوئیں خمیس کوں سندھ دے جنوب مشرقی ساحلی علاقہ کیٹی بندر نال ٹکریسی۔

مضمون کا ماخذ : اسرار ریلز

متعلقہ مضامین