سابق چیف جسٹس بلوچستان ہائی کورٹ محمد نور مسکانزئی سرکاری اعزاز دے نال سپرد خاک ،نمازجنازہ اچ ہزاراں لوکاں دی شرکت

کوئٹہ۔15اکتوبر(اے پی پی) سابق چیف جسٹس بلوچستان ہائی کورٹ محمد نور مسکانزئی کوں ہفتے دے ݙینھ انہاں دے آبائی علاقہ مسکان قلات خاران اچ سرکاری اعزاز دے نال سپرد خاک کرݙتا ڳئے ۔ نماز جنازہ شہید نواب اکبر خان بگٹی فٹبال اسٹیڈیم خاران اچ پڑھی ڳئی جیں اچ ہزاراں لوکاں شرکت کیتی سابق چیف جسٹس گزریل ݙینھ دہشتگرداں دی فائرنگ دا نشانہ بݨیے ہن جنہاں کوں شدید زخمی حالت اچ ڈسٹرکٹ ہیڈ کوارٹر ہسپتال خاران منتقل کیتا ڳیا ہئی جتھاں فرسٹ ایڈ دے بعد انہاں کوں کوئٹہ منتقل کیتا ویندا پیا ہئی لیکن وہ جانبر نہ تھی سڳیے ڈی آئی جی رخشان ڈویژن نزیر احمد کرد شہادت دی تصدیق کیتی ہئی دہشت گرد حملہ اچ جسٹس نور محمد مسکانزئی دے ٻئے رشتہ دار وی زخمی تھئن جنہاں کوں کوئٹہ ریفر کیتا ڳئے ۔ محمد نور مسکانزئی 2014 توں 2018 تئیں عدالت عالیہ بلوچستان دے 18 ویں چیف جسٹس رہیے جسٹس نور مسکانزئی فیڈرل شریعت کورٹ دے 17 ویں چیف جسٹس وی ہن جسٹس ریٹائرڈ مسکان زئی دے قتل دے بعد کوئٹہ بار ایسوسی ایشن 3 ݙینھ دے سوگ تے عدالتی کارروائیاں دے بائیکاٹ دا اعلان کیتے۔ چیف جسٹس بلوچستان ہائی کورٹ نعیم اختر افغان ، ججز اتے وکلا تنظیماں واقعہ تے ݙکھ تے افسوس کیتے ۔ وزیر اعلیٰ بلوچستان ، قائم مقام گورنر ، مشیر داخلہ ، عوامی نمائندیں دی طرفوں وی واقعہ تے افسوس کیتا ڳئے ۔

مضمون کا ماخذ : سامرائی کی خوش قسمتی۔

متعلقہ مضامین