کوئٹہ۔20مارچ(اے پی پی):چیف جسٹس عمر عطاء بندیال سپریم کورٹ کوئٹہ رجسٹری دی نویں تعمیر کیتی ڳئی عمارت اچ پڄ ڳئن ، چیف جسٹس دا اتھاں پڄݨ تے جسٹس جمال خان مندوخیل استقبال کیتا تے بعد اچ معزز مہماناں کوں پولیس دے چاق چوبند دستے گارڈ آف آنر پیش کیتا۔ چیف جسٹس عمر عطاءبندیال اتے جسٹس جمال خان مندوخیل بلڈنگ دے مختلف حصیں دا وی معائنہ کیتا تے کوئٹہ رجسٹری دی نویں عمارت اچ سپریم کورٹ دے ݙو بنچ کیساں دی سماعت وی کریسن بنچ نمبر 1 چیف جسٹس عمر عطاء بندیال اتے جسٹس محمد علی مظہر اتے بنچ نمبر 2 جسٹس یحیی خان آفریدی اتے جسٹس جمال خان مندوخیل تے مشتمل اے ، ایں موقع تے چیف جسٹس آف پاکستان عمر عطاء بندیال آکھیے اللہ تعالی اساکوں صحیح معنیں اچ انصاف ݙیوݨ دی توفیق عطا فرماوے، آمین۔