کراچی ۔21ستمبر(اے پی پی) سیلاب متاثرین دی امداد سانڳے روس توں پہلی خصوصی ریلیف پرواز پاکستان پڄ گئی اے۔ کراچی پڄݨ آلے امدادی جاہز تے سیلاب متاثرین کیتے چاول، کوکنگ آئل، کھیر، خمیے، پآݨی اتے ٻیاں شئیں شامل ہین۔ اے امدادی سامان دی کھیپ کراچی پڄی اے جتھاں ایئرپورٹ تے روسی قونصل جنرل، وزارت خارجہ، این ڈی ایم اے دے افسران موجود ہن۔ روسی قونصل جنرل اے امدادی سامان سندھ حکومت دے متعلقہ حکام کوں ݙتے۔