اسلام آباد – 17 جنوري (اي پي پي) ناليواري ڪمپني ڪارگيل ايندڙ ٽن کان پنجن سالن دوران پاڪستان ۾ 200 ملين ڊالر کان وڌيڪ جي سيڙپڪاري ڪرڻ لاءِ منصوبن جو اعلان ڪري ڇڏيو آهي. اهو اعلان ڪمپني جي گلوبل ايگزيڪيوٽو ٽيم جي وزيراعظم عمران خان سان ملاقات دوران ڪيو. وزيراعظم عمران خان سان ملاقات ڪندڙ وفد جي قيادت گلوبل اسٽريٽجي اينڊ چيئرمين ڪارگيل ايشيا پيسفڪ ريجن جي سربراهه مرسل سمٽس ۽ ڪارگيل ايگريڪلچرل سپلاءِ چين جي صدر جرٽ جان وان ڊين اڪير ڪري رهيا هئا.