پاکستان بہادر کشمیری عوام دی پوری سیاسی، سفارتی اتے اخلاقی حمایت جاری رکھیسی، نگران وزیراعظم انوار الحق کاکڑ دا یوم حق خود ارادیت دے موقع تے سنیھا

اسلام آباد۔5جنوری (اے پی پی) نگران وزیر اعظم انوار الحق کاکڑ آکھیا جو پنج جنوری دا ݙینھ کشمیریاں دے ناقابل تنسیخ حق خودارادیت دا اعادہ اے، ساݙھے ست ݙھاکیاں دے باوجود بھارت دے غیر قانونی قبضے اچ کشمیر دے مظلوم عوام آپݨے بنیادی حق دا استعمال نی کر سڳیے۔ پاکستان بہادر کشمیری عوام دی پوری سیاسی، سفارتی اتے اخلاقی حمایت جاری رکھیسی۔ وزیراعظم آفس دے میڈیا ونگ توں جاری بیان موجب یوم حق خود ارادیت دے موقع تے آپݨے سنیھے اچ نگران وزیراعظم انوار الحق کاکڑ آکھیا جو اڄ پوری دنیا دے کشمیری اقوام متحدہ دے کمیشن برائے ہندوستان اتے پاکستان (یو این سی آئی پی) ولوں منظور کیتی ڳئی قرارداد دی 75 ویں سالڳنڈھ منیندے پئن جئیں دے مطابق جموں تے کشمیر دے تنازع دا فیصلہ جمہوری طریقے نال آزادانہ اتے غیر جانبدرانہ استواب رائے نال کیتا ویسی۔ انہاں آکھیا جو اڄ دا ݙینھ کشمیریاں دے ایں ناقابل تنسیخ حق خودارادت دا اعادہ اے جیڑھا جو بین الاقوامی قانون دے عین مطابق اے۔ وزیراعظم آکھیا جو پاکستان بہادر کشمیری عوام دی اقوام متحدہ دی سلامتی کونسل دی متعلقہ قرارداداں دے مطابق حق خودارادیت دے ناقابل تنسیخ حق سودھے انہاں دے حقوق دی منصفانہ جدوجہد اچ انہاں دی پوری سیاسی، سفارتی اتے اخلاقی حمایت کریندا رہسی۔

مضمون کا ماخذ : اولمپس کا عروج

متعلقہ مضامین