صدرمملکت ڈاکٹرعارف علوی دا لاہور قلعہ یونیسکو عالمی ورثے دے اہم حصے پکچر وال اتے شاہی باورچی خانے دا دورہ

لاہور۔14دسمبر (اے پی پی):صدرمملکت ڈاکٹر عارف علوی منڳل دے ݙینھ لاہور قلعہ (یونیسکو عالمی ورثے) دے اہم حصے پکچر وال اتے شاہی باورچی خانے دا دورہ کیتا۔ صدر پاکستان دا استقبال آغا خان کونسل پاکستان دے صدر حافظ شیرعلی ، ڈائریکٹر جنرل والڈ سٹی آف لاہور اتھارٹی کامران لاشاری اتے آغا خان کلچرل سروس پاکستان دے چیف ایگزیکٹو آفیسر خواجہ توصیف احمد کیتے۔ شاہ برج گیٹ (ہاتھی پول ) دے نال واقع اے پکچروال قلعہ دا اصل نجی داخلہ بݨیندی اے ۔ ایں دیوارکوں شکار اتے جنگ دے منظر مختلف شبیہاں، جانوراں ، پکھی اتے جغرافیائی تے پھل دیاں تصویراں دے نال ٻہوں عمدگی دے نال سجایا ڳئے۔ اے دیوار تقریبا 400 سال پہلے مغل دور اچ تعمیرکیتی ڳئی ہئی جیڑھی جو دنیا دی ساریں توں وݙیاں دیواراں دے وچوں ھک اے ، اے دیوار نقشین گلیزڈ ٹائل تے مشتمل موزائیک دے کم زردوزی استرکاری پینٹ کیتے ہوئے چونے دے پلستر تے کٹیاں ہوئیاں سلھاں نال تعمیر کیتی ڳئی اے ۔ مغلیہ زمانے دے نفیس اتے اوکھے کم اچ ٻہوں دلچسپی دا اظہارکریندے ہوئیں صدر عارف علوی اسلامی تاریخ دے ایں اہم حصے کوں محفوظ کرݨ دیاں ودھیک کوششاں دی تعریف کیتی ۔ پکچر وال اتے شاہی باورچی خانے دے تحفظ دا کم آغاز خان ٹرسٹ کلچر اتے ملک اچ ایندے ملحق ادارے آغاز خان کلچرل سروس پاکستان والڈ سٹی آف لاہوراتھارٹی دے تعاون توں انجام ݙتے ۔ آغازخان ٹرسٹ کلچردی توجہ دنیااچ کمیونٹیز دی مادی سماجی ثقافتی اتے اقتصادی بحالی تے مرکوز اے ۔

مضمون کا ماخذ : جوگوس ڈی لوٹیریا آن لائن

متعلقہ مضامین