انقره _ 10 مئي (اي پي پي ) ترڪيه جي واپار واري وزير عمر بولات چيو آهي ته اسرائيل سان گڏ واپاري پابندين ۾ ترڪيه طرفان نرمي ڪرڻ جي اسرائيلي دعوائن جو حقيقت سان ڪو تعلق ناهي . العربيه اردو نيوز مطابق عمر بولات ايڪس تي چيو ته اسرائيل سان گڏ واپار تي لاڳو پابنديون غزه ۾ مستقل جنگ بندي ۽ خطي ۾ انساني امداد جي تسلسل سان گڏ فراهمي کي محفوظ بڻائڻ تائين برقرار رهنديون . ترڪ واپار واري وزارت جي ذريعن چيو آهي ته ترڪ ڪمپنين وٽ ٻين ملڪن ذريعي موجوده آرڊرز کي پورو ڪرڻ لاءِ 3 مهينن جو وقت آهي ۽ اسرائيل کي روانگي واپار تي ترڪيه پابندين ۾ نرمي جو سوال ئي پيدا نٿو ٿئي .