اسلام آباد۔29نومبر (اے پی پی) سپیکر قومی اسمبلی راجہ پرویز اشرف اتے ڈپٹی سپیکر قومی اسمبلی زاہد اکرم درانی دی جنرل عاصم منیر کوں پاک فوج دی کمان سنبھالݨ تے مبارخ ݙیندیں ہوئیں نیک خواہشات دا اظہار کیتے۔ منگل کوں اپݨے تہنیتی سنیھے اچ انہاں آکھیا جو جنرل عاصم منیر دا شمار پاک فوج دے ٻہوں قابل ، باصلاحیت اتے تجربہ کار جرنیلاں اچوں تھیندے۔ یقینا او اپݨی صلاحیتاں استعمال کر تے ملک دے دفاع کوں ناقابل تسخیر ٻݨیسن۔ اناہں جنرل عاصم منیر دی بطورچیف آف آرمی سٹاف کامیابی کیتے نیک خواہشات دا اظہار وی کیتا۔