قوم اتے ملک دا درد رکھݨ آلا لیڈر ہی الیکشن توں اڳوں دا سوچیندے،ماضی اچ کہیں حکومت پاکستان دی معاشی بنیاداں کوں مستحکم نی کیتا،وفاقی وزیر صنعت و پیداوار مخدوم خسرو بختیار

اسلام آباد۔8جولائی (اے پی پی):وفاقی وزیر صنعت و پیداوار مخدوم خسرو بختیار آکھیے جو جیں لیڈر کوں قوم تے ملک دا درد ہووے او الیکشن توں اڳوں دا سوچیندے ، ماضی اچ کہیں حکومت پاکستان دی معاشی بنیاداں کوں مستحکم نی کیتا لیکن ہݨ پاکستان دی معیشت مستحکم اےاتے انشا اللہ پاکستان دنیا اچ چنڳاں مقام گھنسی ، وزیراعظم عمران خان دے وژن دے مطابق الیکشن توں اڳوں دی سوچ تے عمل درآمد کیتا ڳئے جیں توں اساݙا خسارہ گھٹ تھئے، گزریل مالی سال دے دوران قومی معیشت دی شرح نمو 4 فیصد رہی اے جݙاں جو اڄوکے مالی سال اچ 5 فیصد تئیں ودھ ویسی ۔ خمیس کوں اتھاں الیکٹرک موٹر سائیکل دی افتتاحی تقریب توں خطاب کریندے ہوئیں انہاں آکھیے جو پاکستان اچ آٹو و الیکٹرک گاݙیاں دی پالیسی متعارف کرویندے پیوں جیں دے تحت آندے 2 توں 3 سال دے دوران کاراں دی پیداوار کوں 5 لکھ یونٹس تئیں ودھیسوں ۔ آندے ھک سال اچ پیداوار اچ ھک لکھ یونٹ ودھارا تھیسی 3 لکھ روزگار دے نویں موقع بݨسن ۔ اڄوکے سال موٹر سائیکلاں دی مقامی پیداوار 30 لکھ یونٹس تئیں ودھاوݨ نال نوکریاں دے نویں مواقع بݨݨ نال دیہی معیشت ترقی کریسی ۔ وفاقی وزیر آکھیے جو الیکٹرک وہیکل پالیسی دی تیاری تے ڈاکٹر امجد مبارک باد دے مستحق ہن ۔ ایں پالیسی دے تحت ساریں توں پہلے ٹویوٹا پیداوار شروع کیتی اے جݙاں جو 17 مزید کمپنیاں وی لائسنس منگدیاں پئن ،الیکٹرک وہیکلز پالیسی دے تحت کلین اینڈ گرین پاکستان دا وژن مکمل کریسوں ۔ ای وی پالیسی دی تیاری تے وزارت توانائی ، مواصلات اتے منصوبہ بندی دے علاوہ ٻئے شراکت دار وی مبارک باد دےمستحق ہن ۔

مضمون کا ماخذ : sorteos میگا سینا

متعلقہ مضامین